هلا بو عبدلله
اقتباس:
| في لاعبين دائما يستخدمون أندية النص نخبه كسجور للوصول الي يبغونه، الآن لازيو ماهو من أندية النخبة، ولكن بالطبع أفضل بمراحل من ليتشي وأنكونا ومودنا ! وهم بعد أفضل ممكن من أندية نخبة الدوري الألماني والفرنسي ويمكن أفضل حتى من رابع الأسبان ! من ناحية إعلامية وكفاية الديربي والي يصاحبه من صرع وهوس جماهيري لكل لاعب يبدع فيه ! |
صدقـت يا احمـد خصوصاً فقرة الديربي
اي لاعب يجيـه عرض من لاتسيـو .. دائماً نشوف تصريح له عن الديربي
لأن مباراة الديربي كفيلـه انها تشهر اللاعـب بشكل خيـالي
هاذي المباراة كم قناة تشتريهـا .. قنوات صربية تشتري هالمباراة عشان كولاروف
وقنوات نرويجيه تشتريها عشان رايسـه .. وهكذا
لأنها مباراة الموسم فـ كل دولة تبي تشوف لاعبها كيف مستواه
ومجرد لعب اي لاعب بـ مباراة الديربي يطق سووق فوق وخصوصاً اذا بدع بالمباراة
وعلى سبيل المثال ليديسمـا في تصريح له اني رفضـت الانتقال لـ فيورينتينا و قبلت بـ لاتسيـو
مع ان فيورينتينا عرضوا علي مرتب اكبـر .. محد طقك على ايدك يا ليديسما وقالك تعال وقع مع لاتسيـو
على ذاك الوقت على شنو بـ تنتقل لـ فيورينتينا ؟ مركزهم الـ 16 مدري 17 .. نص لاعبيهم تجميع اعاراتي
بروكي وبانكارو و ميكولي ومدري منو .. صدقات من اندية ثانيـة .. وحتى مدربهم اذا ماني غلطان زوف كان
ولكن الفريق كان ضايع وتوه ثاني سنه صاعـد ومستقبله مجهـول .. ما سنع فيورينتينا غير برانديلي وان طلع برانديلي بـ يدج الفيـولا
عموماً انا ابصم 100 % ان احد اسباب تفضيل ليديسما على الفيوولا عشان مباراة الديربي
الفيولا ديربيـه مع منـو .. مع سيينـا 
حتى الجزيرة ما تنقلها ههههههههههههههه
ليديسما يدري انه اذا ابدع بالديربي اندية كثيييييييرة راح تهتـم فيـه
والى الآن متحسف على رئيس فالنسيا السابق اللي يشبه كنتاكي يوم قدم 20 مليون والدجة لوتيتو ما باعه 