والله يا شادي كلامك في متمه
لاتسيو مع الأسف هو الي مخوف نفسه قدام الفرق الكبيره
يعني كل فرق الكالتشيو قاعده تلعب مع اليوفي وميلان وانتر ويفوزون عليهم إلا لاتسيو
يعني في كل موسم نلعب مع هالأنديه الثلاث ومن أصل ست مباريات ( ذهاب وإياب ) نطلع بثلاث أو أربع نقاط بالكثير !!
السبب ياجماعه مو من المدرب صدقوني .. السبب أشوفه من اللاعبين نفسهم .. لأن مو معقوله مروا علينا عدة مدربين وهالمدربين هذول سبق لهم الفوز على ميلان وإنتر ويوفنتوس لكنهم مع لاتسيو مافازوا عليهم !!
ديليو روسي من طلع من لاتسيو وهو يفوز على الأنديه الكبيره وبالذات يوفنتوس ونفس الكلام ينطبق على ميلان وفي بعض الأحيان مع الإنتر
وهذا الكلام ينطبق على بالارديني الي كان مع باليرمو يفوز على أندية الشمال .. ونفس الكلام أيضًا مع ريّا لما كان مع نابولي
صدقوني لاعبينا هم الي يخافون من الفرق الكبير حتى إذا كان مستواها فاشل .. لأنهم يخافون من الأسم مو من واقع اللعب
يوفنتوس على سبيل المثال .. دايماً يفوز علينا بأرضنا بأقل مجهود وفي كل موسم يكون وضعنا أفضل منهم لكنهم يفوزون علينا !!
صحيح اليوفي فريق كبير لكنه صار ملطشه لفرق الكالتشيو لأكثر من موسم وتحديداً من أول ما هبط للدرجه الثانيه صار مافي أحد يهابه لكن مشكلتنا في لاعبينا الي مادري شلون يلعبون مع هذا الفريق
نابولي هالموسم أفضل من اليوفي مليون مره لكن لعبنا عليهم لعب بالذهاب والإياب بالرغم أننا خسرنا بأرضهم
في مباراة الذهاب قدام يوفنتوس .. ريّا باااااااالغ بالدفاع بشكل مو طبيعي + اللاعبين أيضاً بالغوا بالدفاع زيادة عن اللزوم وهذا الشيء سبب لنا الخساره .. لكن اليوفي لما يلعب مع الفرق الصغيره بأرضه كان دائماً يخسر أو يتعادل
صدقوني مشكلتنا منا وفينا