[Stankovic]

الله يعطيك العافيه ياعواد دايماً متحفنا بمواضيعك

لوتيتو ما أتصور أنه دفع أكثر من الموسم الي طاف .. يعني الموسم الي طاف صفقة هيرنانيس بروحها كانت 15 مليون بالإضافه للصفقات الثانيه .. هو صحيح أن لوتيتو مادفع فلوس هيرنانيس كاش لكن بالمجمل العام لو نحسبها نشوف أن المبلغ المدفعون على الميركاتو الصيفي والشتوي الموسم الي طاف اكثر من الحين

هذي السنه لوتيتو مادفع مبالغ كثيره .. كلوزه بالمجان ولوليتش بـ3 مليون وماركيتي بالأقساط ووو إلخ

سياسة أنك تدفع بالأقساط حلوه وتريحك لعدة أسباب أهمها أنك تضمن لاعب ممتاز للفريق + تضمن أنك ما خسرت خزينة النادي مبلغ كبير لكن بنفس الوقت تظل كل سنه تقعد تدفع لهذي المبالغ لغاية ما تسكر القيمة بشكل كامل

الحين الي على لوتيتو انه يجيب له لاعب موهبه يكون بديل لهيرنانيس حتى بعد كم سنه يقدر يستثمر فيه مثل ما صار مع كولاروف وهذا الأستمثار أكيد بيعوض الفلوس الي راح يدفعها لوتيتو كل سنه حق الأنديه الي تعاقد منها بلاعبين عن طريق الأقساط في حال باع لوتيتو هذي الموهبه

أنا لوتيتو من أول ما مسك النادي عاجبني بتظيمة الإداري والمالي ( صحيح في العديد من المرات خذلنا ) لكن هو ضحى بموسم ولا موسمين علشان يزيد من أموال خزينة النادي وهذا الشي ساعدنا أننا نتعاقد مع أي لاعب نبيه

على قبل لوتيتو كان أكثر رئيس ياخذ لاعبين إعاره مع خيار الشراء والكل كان يضحك عليه والحين كل اندية الكالتشيو تسوي مثل هالطريقه وبالذات يوفنتوس + لوتيتو أول رئيس كان يدفع بالأقساط وحالياً هم كل فرق الكالتشيو تسوي نفسه

النادي عباره عن شركة والشركه إذا فيها تنظيم إداري وفيها دراسه لخمس أو عشر سنوات قدام أكيد راح تنجح والحمد لله قاعدين نشوف تطور لوتيتو سنه بعد سنه وإن شاء الله يستمر هذا الشي


اشكرك حبيبي