يا جماعة الخير والله الصحف ماعندها ما عند جدي
نفرض ان زاراتي يبي يطلع وين تبونه يروح مثلا ؟؟
الانديه الي كانت تبيه اهي اثنين اتليتكو مدريد وتوتنهام
بالنسبة للنادي الاسباني فامس تعاقدوا مع مهاجم بورتو فالكاو ليكون خليفة اغويرو بصفقة بلغت ٤٠ مليون يورو يعني من سابع المستحيلات ينتقل لهم زاراتي الا اذا انتقل منهم فورلان + مازالوا للحين يبون اوزفالدو يعني زاراتي مايفكرون فيه
اما توتنهام فامس صرح هاري ريدناب مدربهم وقال حاليا قاعدين نتفاوض مع اديبايور وهو قريب منا يعني بعد هالتصريح وين يحطون زاراتي
اما ارسنال ففينغر قال هجوم مابي وراح يعوض بس رحيل فابريغاس ونصري
زاراتي مالعب هالمباراة لانه مريض لا اكثر ولا اقل لكن الله ينتقم من الصحف الحقيره