الله يعطيك الف عافيه اخوي عدنان على هذا النشاط وهالشي هذا مو غريب عليك
بالنسبة للمباراة فبصراحه انا خايف على الفريق من التعب اكثر من الفوز بالمباراة لان ورانا مباراتين ناار بالدوري قدام الفيولا وروما واكيد بعد مباراو سبورتينغ راح يكون في تعب ولاسمح الله اذا خسرنا راح يحبط اللاعبين وضغط الجماهير عليهم يأثر
سبورتينغ معروف عنه من زمان انه يلعب كرة سريعه ومع وجود الاسماء الجديده فأكيد رلح تعطيهم قوة اضافيه ولا ننسى انهم يملكون قوة هجوميه وفي اخر ثلاث مباريات سجلوا ٩ اهداف
الفرق البرتغاليه دايما ما تسبب مشكل ضد منافسينها على الصعيد الاوروبي حتى قدام اقوى فرق اوروبا واقصد بكلامي المان يونايتد وليفربول وارسنال وبرشلونه واشبيليه وفياريال
هذي الفرق تمصخرت بالملاعب البرتغاليه وصحيح ان البعض منهم فاز لكن بشق الانفس
الجماهير البرتغاليه تملك حماس كبير يساعد فريقهم على قلب المباراة لصالحهم
اما لاتسيو فانا خايف من تخبط ريا ومن الاسلوب البطيئ للاعبين وخايف اننا اذا شجلنا هدف مبكر ما نرجع ندافع بسرعه
للاسف اقولها للمره المليون ان فريقنا عنده اسماء ونوعيات جيده لكن بدون شخصيه بسبب المدرب
اذا لعبنا نفس الروح الي كانت بالفريق قدام باليرمو بالشوط الثاني فانا متفائل بخير
اما اذا كان مستوى الفريق بطيئ كالعاده ويجيب المرض فأبشروا بخساره
الفوز على فريق كبير مثل لشبونه يعطينا دافع كبير لتقديم الافضل بالدوري الايطالي
المباراة خارج ملعبنا وهذا يعطي لاعبينا اريحيه من ناحية الضغط واتمنى ما ننخذل مرة ثانيه
الفوز في المباراة يعني الصداره ويعطينا فرصه للانفراد فيها لاننا راح نلعب بارضنا قدام زيوريخ السويسري
*