مبروك الفوز والي جا بأقل مجهود ..
التشكيله جيدة وابدع ليديسما وماتوزاليم ولوليتش بالوسط ..
كونكو لاعب ماخذ حقه بالمديح .. لاعب مهاري وواثق وافضل مافيه لياقه ويغطي مركزه على طول ..
لوليتش اينما لعب ابدع .. يمين يسار بالوسط وبالظهيرين ..
ماتوزاليم فنان وموزع الكرة في وسط الميدان ولمساته وحدة وسهله ..
سيسيه استغرب من الي يهاجمه بهالمباراه !!
ابدع الفرنسي بالتحرك واشغال المدافعين وجاته اكثر من كرة وحاول وصنع الهدف الثاني ..
كلوزة دور جبار .. مهاجم صريح ويرجع حتى للوسط وشفناه باكثر من كرة وكانه محور ..
ماركيتي رائع جدا ومستواه بعد كل مباراه يرتفع .. صاحي ومرونه عاليه وسرعة بديهه ..
الفريق ككل كان رائع .. وحتى رادو ابدع .. اما بيافا كان الاقل في المباراه والسبب بسيط ابتعاده عن حساسية المبارايات .. وصدقوني راح يرجع ..
اصابه هيرنانيز ان شاء الله ماتطول .. ويهمنا اول صفقة بالشتاء لاعب وسط هجومي يصنع و يكمل فيه ماوري وهيرنانيز .. لاننا نفتقد لموزع لعب في غيابهم ..
مبروك الفوز مستوى ونتيجه وباقل مجهود .. والى الامام لاتسيو 