حلوه النقاشات اللي صايـرة 
لكن ما اتمنى تتحول الى فرض اراء
كلنا اخوان و كلنا نشجع لاتسيـو
والكل حر في رأيـه و في نظرتـه الخاصة
\
\
بالنسبة للمباراة اعتقد ان النتيجة ليست سيئـة
و اللي يظن ان كاتانيا فريق صغير .. يتابع كاتانيا قدام الكبار شلون يصير
اسلوب لعب الفريق الصقلي ممزوج بين الدوري الارجنتيني و اسلوب الدفاع الايطالي
فريقهم غثيـث لأبعـد درجـة و دائماً يكونون عقده للفرق الكبيـرة لأنهم يهتمون كثير للنقطة اللي يحصلونها من التعادل
واللي يستهزئ فيهم يخسر مثل الانتر اللي من ايام مورينهو مو قادر عليهـم
لأن طريقتهم واضحـة جداً و انا اتابع الكالتشيو عدل و عارف هالانديـة
24 ساعة التلفزيون على قناة الجزيرة
كاتانيا اذا متعادل 0-0 يلعب على المرتدات مع ثبات الخطة سواء كانت 4-3-1-2 مثل الموسم الماضي او هالموسم 3-5-2 مع مونتيـلا
اذا دخل عليهم جول و صاروا متأخرين بهدف يفصلون و يستلجون و يلعبون بشكل هجومي
و مثل ما شفنا بعد ما تقدمنا عليهم لاعبين الوسط الـ 5 كلهم صاروا هجومياً و اللي بالدفاع فقط 3
وصرنا حنا اللي نلعب المرتدات مستغلين سرعة سيسيـه
و لو استهزئنا فيهم مثل الاندية الثانية و ما تراجع كلوزه و سكولي لـ مساعدة الدفاع
كان يمكن سجلوا علينا اكثر من هدف و خسرنا النقاط الثلاث
عتبي الوحيد على ريجا هو بـ اخراج سكولي اللي كان مسبب ازعاج لـ دفاع كاتانيا
لأن مدافعين كاتانيا كان كل تركيزهم على كلوزه و سيسيه و هالشي كان يعطي سكولي الاريحيه في التحرك و تهديد المرمى
دخول كوزاك كان تبديل ممتاز لأن كاتانيا بعد ما تعادلوا خطتهم صارت 5-3-2 .. 8 مدافعين صعب تخترقهم و الحل الوحيد كان الاستفادة من العرضيات و وجود مهاجم مثل كوزاك طويل نستفيد منه
المفروض دخول كوزاك يكون بدل من بروكي و تغيير الخطة و مراكز اللاعبين الى 4-4-2
بـ إعادة لوليتش الى الظهير الايسر و تواجد رادو و دياكيته قلوب دفاع و اعادة ستانكي كـ ظهير يمين
و بالوسط يكون كونكو و ليديسما و هيرنانيس و سكولي و ثنائي الهجوم كلوزه و كوزاك
بالشكل هذا
ماركيتي
لوليتش .. رادو .. دياكيته .. ستانكي
سكولي .. هيرنانيس .. ليديسما .. كونكو
كوزاك .. سكولي
هذا الشيء هو اللي المفروض يصير بـ دخول كوزاك و هاذي غلطة ريجا بالمباراة
لأن مع دخول كوزاك ما تغير شيء كثير .. لوليتش صار مكان سكولي و هيرنانيس صار مكان لوليتش و كلوزه صار مكان سيسيه .. نفس الخطة 4-3-3 الفرق الوحيد هيرنانيس هجومي اكثر
ما استفدنا من العرضيات و ما استفدنا من طول كوزاك و قوة داخل منطقة الجزاء
لو ريجا غير الطريقة الى 4-4-2 راح نكون استفدنا من جهة اليمين على ستانكي و كونكو بالعرضيات
اضافة الى رميات التماس اللي يتميز فيها ستانكي و يلعبها كأنها ركنيـه و طويلـه
و على اليسار وجود سكولي و لوليتش يشكل قوة
و البوسني خصوصاً خطورته اذا انطلق حتى الهدف اللي سجلناه العلامة الفارقة فيه كان لوليتش
من طقطقة الباصات بالدفاع .. وصلت لـ لوليتش اللي انطلق من الدفاع الى الهجوم لين وصلت لـ بروكي
لوليتش لازم يستمر على طول كـ ظهير خاصة في غياب ماوري عشان نستفيد منـه في صناعة اللعب
رادو اليوم له بعض الهفوات و لكن اللي عجبني فيه انه تجرأ و لأول مرة و اخذ ثقة بـ نفس و عرّض مرتين
وحده لـ سيسيـه و الثانية عرضية ارضيـة لـ سكولي
عموماً في ظل هالغيابات و المباريات المتلاحقه اعتقد ان النتيجة لا بأس فيها قدام نادي غثيث و صعب امام الانديـة الكبيـرة
لا زلنا بأول المشوار و الجولة القادمة في مباريات قوية بين اندية تلاحقنا و اعتقد فرصة لنا اننا نفوز على كالياري و نستغل النتائج اللي راح تكون من مصلحتنا