قواك الله يا الامير السابع
الزوائد مشكلتها مشكلة في لاتسيـو
و في نظري المشكلة تنقسم الى قسميـن
القسم الاول و هو الابرز و اللي يطغى على كل شيء
وهي ان اللاعبين الزوائد يحلمون حلم يحصلون على مرتب مثل اللي يحصلون عليه في لاتسيـو
ولذلك يتمسكون بالبقـاء على الرغم من التأكيدات اللي تجيهم انهم خارج خطط الفريـق
القسم الثاني و هو عدم التصرف السليم من الادارة تجاه الزوائد
بالنسبة للقسم الاول النقاط و الامثلـة كثيـرة
مانفرديني بالسابق جتـه عروض من انجلترا ( ميدلزبره ونادي آخر ) و قبرص و بولندا و رفض يخرج لأنه يستلم نص مليون عندنا و يدري انه اذا راح للانديـة الثانيـة راح يستلم مرتب قليـل جداً
سيفيليا نفس الموضوع كريباري انتقل الى نابولي بـ نفس المرتب و نابولي ما جددوا له والحين بالبرازيل
مغني كذلك و القائمة تطول من الامثلـه
مثل هالنوعية من اللاعبيـن يفضلون الحصول على المال الى نهاية عقدهم و بعدها يروحون لـ نادي آخر
اما القسم الثاني و هو طريقة الادارة بالتعامل مع مثل هالنوعيـة من اللاعبيـن
اذا هو جالس جالس و ما وصل له عرض .. اسهل شيء اعرضه على اي فريق بشكل مجاني تماماً
يعني إعارة مجانية و الراتب يدفعه لاتسيـو .. على الاقل اعارة لمدة 6 اشهـر و يكون في شرط بالاعارة المجانيـة
انه ياخذ مساحـة كافيـه للعـب او مساحة 50% من اصل مباريات الفريـق
و اللاعب اذا لعب و شارك الاعين راح تكون عليـه و راح تجي الانديـة تاخذه سواء كـ شراء او كـ إعارة
اما وجود اللاعب بالنادي ياخذ راتب و ما يلعب و ما حنا مستفيدين منـه ابداً
فـ بالتأكيد ما في اي نادي راح يلتفت لـه
و على سبيل المثال زاوري مشاركتـه مع فيورينتينا و لعبه بدوري الابطال احياناً
ساهم بشكل كبير في انتقاله الى سامبدوريا العام اللي كان متأهل لدوري الابطال
لأنهم شافوا مستوى زاوري و شافوه يلعب
اما الحيـن لو نقول غاريدو او ديل نيرو .. منو يبيهم ؟ او السؤال الاصح منو شافهم يلعبون ! ؟؟
لازم الادارة اتساهل كثير حتى لو تدفع مرتب اللاعب كامل في حال اعارتـه من اجل امكانيـة التخلص منه مستقبلاً
و عموماً في كثير من اللاعبين الزوائد هاذي آخر سنة لهم و واضح ان الادارة ما راح تجدد لهم نهائياً