قواك الله يا الاميـر السابـع
للأسف ما في مدرب متاح ممتاز و هاذي هي المشكلة الكبيرة
دونغا صعب يجينا و سبق ان رفض عرض من فيورينتينا
لأنه يبي يكون المدير الفني للفريق .. يعني نفس نظام الاندية الانجليزيـه
يكون مسؤول فقط عن الخطة و المباريات .. اما التمارين يقودها مدرب آخر
مدرب بازل ما اعرفه بصراحه .. لكن دامه متألق مع ناديه على كلامك فـ ما اعتقد نقدر ناخذه بما انه مرتبط بـ عقد مع فريقه
ديشامب خيار ممتاز .. من صار مدرب و مسيرته حلوه .. لكن هالموسم مدري وش صار فيـه
مارسيليا بالمركز الـ 11 بالدوري الفرنسي !!!!! رغم ان فريقه يمتلك لاعبين ممتازين و سريعين
بقية الاسماء اللي يتم تداولها بالاخبار ولا اسـم اشوفه قادر يواصل على عمل ريجا
و يخلينا نطمح ننافس و نبقى ضمن الـ 4 الاوائل
تصوري ان اي مدرب يجينا من الاسماء المتاحه بـ يخبص و بـ يرجعنا للخلف يمكن السادس او السابع !
لذلك انا اقبل بالرجوع هذا لكن مع سيميوني انزاغي .. على الاقل يعرف لاتسيو و يعرف بيئة العاصمـة
بدال لا نجيب مدرب اي كلام يحوس بأم الفريق .. نعطي الفرصة لإنزاغي يمكن يشتغل بشكل ممتاز
بشكل عام ما يعجبني المدرب ابو تكتيك واحد .. ما يعرف يلعب اللا بخطة وحده فقط !
احب المدرب اللي يشوف الفريق و خصائص اللاعبين و يركب الخطة عليهـم
مثل ريجا مثل سباليتي مثل برانديلي
مو مدرب يبي لاعبين معينين عشان خطته الوحيدة اللي براسـه تنجح !!
شخصياً اتمنى مدرب واحد و قد يكون متاح و متوفر و هو برانديلي
لكن صعب نصبر و ننتظره لما بعد بطولة اليورو