اولا مبروك الفوز المتوقع صراحه ، الفريق قدم جمل تكتيكيه ويلعب بطريقة كرويف كثير وهو الكرة البينيه تمريرات وبينيات ممتازة لدرجة ان الاستحواذ في الشوط الاول وصل الى 62% للاتسيو مقابل 38% لمورا صحيح ان مورا فريق مغمور جدا واول مرة يلعب باليورو ليغ لكن جمهوره الحماسي كان له دور في زيادة نشوة الفريق اداء مورا كان معتمد على الارتداد لضعف امكانياتهم ولصعوبة منافسة لاعبين كبار ، كانت لهم هجمات كفيلة بالفوز مرتداتهم فعاله جدا ولو استثمرت صح لاحرجونا والله بالنسبة لنسورنا الحراسه لاعليها كلام اما الدفاع من جهة كافندا ياهو كوارث كل الاختراقات من جهة كافندا مدرب مورا ذكي لانه ركز بتكثيف الهجمات من الجهه اليمنى النقطه الثانية بيافا انا محتار وش فيه مرتبك اختراقات من جهته و اغلاط كادت تسبب مشكله لنا والله الدفاع كان ممتاز مع عبدولاي و دياز والله يبردون القلب عبدولاي جهته مغلقه تماما ويتفنن في المهارات و الاختراقات لكن يحتاج تركيز في عرضياته ودياز تغطياته وتدخلاته بالجسم اغلبها صحيحه ولاغبار عليها الوسط بقيادة المجنون هيرنانيز ياهو ركب كورة خلتني طول الوقت اقول للشباب شوفوا شوفوا هو نجم المباراة امس و الله قدم مستوى ماشاء الله كبير كبير من جد الوسط لانخاف عليه وهذا ايدرسون مالعب ماوري اعجبني احسه واثق من نفسه كثير لكن قهرني ضيع فرص يامكثرها خصوصا إلي بالشوط الاول اما لدزيما على قوة المعلق المفهي جاب العيد كور غلط توزيع غلط بتمريرات طويله غلط و بينيه غلط لعبه لاخطاء البعيده غلط كنت اكذب بعض الشباب يوم يقولون ان لديسما انتهى بعد اول موسمين لكن بالفعل لديسما خارج التغطية الله يستر منه بس ، مفاجئة المباراة هو اونازي ياهو لعييييب و الله تحركاته تفتح النفس تحسه لاعب حقيقي مو مثل اشباه الاعبين إلي حتى تثبيت للكورة فاشلين اتمنى اشوفه بكل مباراة مندمج الكتيبه كأنه من زمان يلعب معهم ، كلوزة الومبر بالمختصر الصمت جمال شوف وش يسوى وتمتع كان يرجع كثير لاستلام الكور وهذا مستحيل يعمله لاعب بسنه كلوزة اصبح يلعب للرمز و الرمز بقلبه ، سامحوني عالتطويل الاياب تقريبا محسوم وسيلعب يوم 30 اغسطس ..