قواك الله يا عدنان
لوتيتـو يفكر بـ النظام القديـم اللي كان الاخيرين يطيحون و الثالث من المؤخرة يلعب ملحق مع الثالث من السيري بي
ما ادري وش دخل الامور الاقتصاديـه بالموضوع .. لكن التفكير هذا طرح من قبل الشارع الرياضي الايطالي بكثرة
بـ إعادة الكالتشيو كما كان عشان الانديـه تكون عدد مبارياتها اقل و تقدر تنافس على البطولات الاوروبية مثل زمان
لكن انا من وجهة نظري اشوف ان النظام الحالي ممتاز .. و هالنظام تغير مع تغير نظام السيري بي ايضاً
و اصبح السيري بي اقوى من قبل و فيه شروط ممتازه لـ دعم و انتاج اللاعبين الايطاليين و هالشيء تفتقده ايطاليا من زمن طويل
المشكلة بـ الـ 20 فريق هي ضغط المباريات .. الاتحاد الايطالي للحين مو عارف يوازن جدول المباريات
و يضغط الدوري ضغط كبير عشان يخلص في فترة محدوده و هالشيء صعّب المهمة على الانديـة
لذلك نشوف في ايطاليا تحديداً مسألة المداورة مسألة مهمة و ضروريـه من اجل المنافسه محلياً و اوروبياً
الحل سهل جداً هو اطالـة عمر الكالتشيـو .. يعني الكالتشيو بدء 26-8 و راح ينتهي 19-5
اما تقدم التاريخ و يكون 16-8 مثلاً و ينتهي بـ نفس التاريخ .. او يبدأ بـ نفس التاريخ و لكن تأخر التاريخ و تخليه ينتهي 1-6 مثلاً
و هالشيء مفيد للاعبين نفسهم بعد انه ما ياخذ راحته كثير بالعطله و ياخذ فترة راحة طويله بعيد عن الرياضة
و هالشيء يسوونه الانجليز لذلك لياقتهم دايم توب و لاعبين بدنيين و سريعين .. الدوري الانجليزي اساساً ما فيه راحة حتى للكريسماس حقهم
بـ ايطاليا مدري شلون يفكرون و يبون كرتهم تتطور كل شيء بالمقلوب
بعد الكريسماس يضغطون ام الانديـة سبت و اربعاء مباريات .. بعد اسبوع الفيفا سبت و اربعاء مباريات
والاندية اللي تشارك بـ اوروبا اتوهق كل ثلاث ايام مباراة و كل مباراة مهمة بكل تأكيد
و يبونهم ينافسون و هم شاقينهم شق .. و ياليت عاد يعطون الاندية حقوقهم الماديه
عشان النادي يعزز نفسه و يقوي دكة بدلاءه .. لا جاحدينهم جحد ^_^
3 سنين الى 4 سنين قدام الكالتشيو ما راح يتغير و يمكن يفقد مقاعد مؤهله لـ البطولات الاوروبية اكثر
حتى وصول قرار الملاعب و بناء الاندية لـ ملاعبهم الخاصة و التحكم في ايرادتهم ذيك الساعة بـ يرجع الكالتشيو