زاراتي هو من اضاع نفسـه
سبق ان قلت في اول موسم له ويانا لأحد الاخوان
والله اشك انه فقاعه صابون !!
لأنه بالقسم الثاني من الدوري اصبح محفوظ تماماً من مدافعين الكالتشيو
جنح و اكسر و شوت .. الفارق انه بأول موسم كان اضعف و اسرع
بعدها دج تماماً و قيمته الماليه و حب الجماهير له و تكبيره و الاعلام نفخه خلته يشوف نفسه
هذا زاراتي اول موسم .. لاحظوا تركيبه وجهه
شوفوا الخد و عظم الفك كيف بارز
هذا بالموسم الثاني .. كان واضح عليه زيادة وزنه بشكل كبير
و كل اللي شاف مباراة السوبر ضد الانتر يلاحظ هالشيء
و هاذي يوم حرق نفسه سونا و بخار لين قلب وجهه و صار تقول محروق
زاراتي من البدايـة و بأختصار ما يفكر بشكل محترف
جت العطلة أفل ابوها ^_^ .. تخلص العطلة ترجع النادي زايد 6 و 7 كيلو
و كل موسم نفس الحالة غير برنامج رفع اللياقة المعتاد لـ كافة اللاعبين يكون في برنامج خاص لـ زاراتي بـ تخسيس وزنه
و ريجا بآخر موسم له ويانا عطى اللاعبين راحة يومين و في بعض اللاعبين ما عطاهم راحة عشان يواصلون التمرن و منهم المصابين و منهم زاراتي لـ مواصلة برنامج التخسيس و زاراتي سحب و اخذ عطلة اليومين و راح ويا المدام على شواطئ كرواتيا !! .. يعني حتى العطلة ما اخذها اني ارجع البيت اريح جسمي اخذ العطلة بـ سفرة و حركات و وناسة !
مشكلة زاراتي في مخـه و انه فاهم ان الكرة و اللعب هو لعب شوارع
نتجمع ونلعب و خلاص و بعد المباراة نرجع البيت و نعيش حياتنا
حتى في تقرير كتب عنه مؤخراً يتكلم بشكل خاص عن حياته الاجتماعية
انه مقزرها مطاعم مع زوجتـه عارضة الازياء اللي من غير هدوم ^_^
هو من اعرس على هاذي ويبر و هو ما عيّن خير خخخخخخخخ
مع روسي نجح بالبدايـة لأن روكي كان مصاب بسبب الاولومبياد
اضافة الى ان اسلوب روسي هو اسلوب المدربين الصغار ( المرتدات فقط )
لذلك نجح بحكم سرعته و بحكم وجود بانديف اللي يلعب بشكل ممتاز بالاسلوب هذا ايضاً
بالقسم الثاني من الدوري الاندية اصبحت تلعب دفاع متراجع بشكل كبير و الدفاعات حفظت تحركات زاراتي و شفنا انانيته طغت بشكل كبير على الفريق
افضل مراحل زاراتي مع لاتسيـو كانت تحت قيادة ريجـا اللي لعبـه كـ جناح هجومي في خطة 4-2-3-1
و كـ لاعب جناح تسجل 9 اهداف و تصنع 9 اهداف في الكالتشيـو معدل فووووووووووووق الممتـاز
يعني 18 هدف من اصل 55 هدف كانت بفضل من الله ثم زاراتي
و بـ شهادة اغلب عشاق اللاعب كانوا يقولون ان زاراتي افضل لاعب في لاتسيـو هذاك الموسم
طيب وين المشكلة مع ريجـا !! اذا اكثر 3 لاعبين لعبوا بالفريق موسليرا + ليديسما + زاراتي
و اكثر لاعب تم استبدالـه هو هيرنانيس .. يعني المفروض المشكلة بين ريجا و هيرنانيس مش زاراتي !!
لكن المشكلة جت من سيرجيو زاراتي اللي قام يناقز و يتفلسف ان زاراتي ما يحب يلعب جناح و يبي يصير هجوم
طيب اذا انت جناح و قاعد تسجل و قاعد تصنع و قاعد تفيد فريقك بشكل ممتاز ليه مو عاجبـك الوضع !!! ؟؟؟
و المصيبة ان سيرجيو راس الفتنة يسولف و يصرح و يبربر و زاراتي نفسه ساكت لا يرد و لا يتكلم ولا يقول اي شيء ؟
و العجيب يوم راح الانتر و سيرجيو تكلم ان زاراتي وده يرجع لـ لاتسيـو نقز زاراتي و صرح انه اي شي يقال عني لم اقله انا فـ هو لا يمثلني .. يعني جحد اخوه بالعربي عشان يتمسك بـ محاولة البقاء مع الانتر اللي دفعوا فيه 4 مليون بس و لوتيتـو رفض طبعاً !
زاراتي هو من اضاع نفسه و راح يستمر بـ اضاعه نفسه و من قبل الموسم و انا اقول هالشيء لأن الكتاب بصراحة واضح من عنوانـه
في لاعبين خلااااااااااص ما يصلحون للكالتشيـو .. يمتلكون موهبه يمتلكون مهارات بس الكالتشيو ما يصلح لهم
اليسيو مثال على ذلك .. تورغي الروماني جاء اودونيزي ولا نجح و ودوه ناديهم الثاني غرناطه و قاعد يبدع هناك بالليغا
اسلوب اني بمسك الكرة و افرفر و ادعس و اشوت و محد حولي هالاسلوب ما يمشي بالكالتشيـو
اذا ميسي و هو ميسي اللي ذابحينا فيـه ما قدر يسجل على الاندية الايطاليه اللا من ركلات جزاء