اقتباس:
المشاركة الأصلية كتبت بواسطة MUZZI  اول شيء .. افضل مستويات زاراتي مين قالك انها مع ريّا ؟!؟!؟!؟ افضل مستوياته كانت مع ديليو روسي .. والثنائي بانديف وزاراتي لا ينسى  ثاني شيء انتا ذكرت 5 مدربين باستثناء ريّا ةبالارديني .. وكلهم لنادي الانتر .. عزيزي .. ما سألت نفسك .. الانتر مغير المدربين هذول كلهم ليش في الفترة القصيرة هذي ؟؟؟ ثاني شيء مستوى الانتر كان حاله من حال ليتشي وكاتانيا وكييفو .. فريق عقيم هجوميا .. ضعيف دفاعيا .. وخط وسطه مهزووز حتى شنايدر مو عارف يلعب ... فـ ليش تحط اللوم على زاراتي ؟؟ .. ولا تنسى ما انتقل للانتر الا بعد ما وقع الفاس في الراس وطاح مستوى الولد .. اجل تبغى مستواه يرجع بين يوم وليلة في فريق يعاني طول الموسم ؟؟! بالارديني ما راح اتكلم عليه ولا عن مستوى زاراتي معاه .. لانو مدرب فاشل وغثيث ومتخلف زاراتي سنه صغير نوعا ما .. وان رجع مستواه فـ هذا مكسب كبيير لـ لاتسيو ولنفسه .. واعتقد انو مستواه بيرجع حبه حبه بس لو يصبر و+ المدرب يعطيه فرصة مشكور على الخبر |
أول شي أحترم وجهة نظرك وبالعكس أنت لك راي ومو مجبور تمشي على كلامي 
ثاني شي أنا لما قلت إن زاراتي ما نجح إلا مع ريّا فكلامي صحيح ولو تقراه عدل كان شفت هالشي ( أنا قلت أن زاراتي نجح مع ريّا من بين المدربين الخمسه الي ذكرت أساميهم وما جبت طاري ديلو روسي بالمره !! 
)
أنا كلامي كان مركز على كلام البيرتي يوم قال بأخر موسمين ريّا هو الي ضيع زاراتي .. يعني ديليو روسي ماله شغل بالمووضوع
مع بالارديني زاراتي لعب معاه كل المباريات أساسي وما سجل إلا هدف واحد بس كان ضد باليرمو !! وكان بذاك الوقت يفكر بس بالتسجيل وعدم تسجيله للأهداف ضيع من مستواه وضيع من مجهودات ربعه بالملعب .. لكن لما جاء ريّا زاراتي قدر يسجل 3 أهداف ويصنع أهداف خصوصاً بعدما جاء فلوكاري بنص الموسم
وفوق هذا صحيح أن ريّا كان قاسي على زاراتي بذاك الوقت والي كان يلعب بأنانية مطلقه لان بالارديني مدلعه إلا أنه كان يلعب بأغلب المباريات .. وإذا تحاسب المدرب أنه يبدل زاراتي وهالشي يخليه يعصب طيب ليش ما تحاسب ديليو روسي الي كان أكثر مدرب يبدل زاراتي وحتى الجماهير تستهجن من الي يسوي ؟؟؟
إذا بتقولي أن لاتسيو بموسم بالارديني وريّا كان الفريق كله فاشل فأنا معاك لكن الفشل مستحيل يكون على كل اللاعبين .. بارونيو على سبيل المثال تألق بهذا الموسم بالرغم أن الفريق كان كله فاشل ونفس الشي مع كولاروف الي قدم أفضل مواسمه وبعدها أنتقل للسيتي وكان ريال مدريد يفاوض لاتسيو عليه لأن مورينيو يحب هذا اللاعب ونفس الكلام مع ليشتاينر وفلوكاري وحتى روكي وموسليرا
وهذا يأكد أن فشل الفريق ماهو مقياس على فشل اللاعبين
أما بخصوص موسمه الثاني مع ريّا .. فأنا ما أحب أزيد على كلام أخوي عواد لأن الي قاله صحيح ميه بالميه
وبخصوص فشل الإنتر ومدربينه فإذا كنت متابع الإنتر عدل راح تعرف فشل زاراتي
بالبداية مع جاسبريني الي كان يلعب بخطة 3-4-3 .. وكان الهجوم ماله زاراتي وفورلان وميليتو .. خوينا فشل بشكل كبير لأن أسلوب اللعب تغير عليه .. مع لاتسيو كان يمسك الكوره ويقعد يفرفر على كيفه من دون محاسبه + من شروط توقيعه العقد مع الإنتر أنه يلعب بطريقة جماعيه لأنهم عارفين أسلوبه مع لاتسيو
خلال هذي الفترة زاراتي كان لاعب ميت ووجوده مثل عدمه مايقدم شي وما يُلام لأن الأجواء تغيرت عليه بالرغم أنه قبل إنتقاله للإنتر كان مقدم موسم ممتاز مع لاتسيو
ومع رانييري كان الإنتر قدم مستوى جيد وتحسنت نتايجه لكنها تراجعت بعد شهر يناير وكان رانييري في البداية يلعب زاراتي خصوصاً بدوري الأبطال والي من خلالها نجح أنه يسجل على فريق سيسكا موسكو .. لكن بعدها قام يألف بالملعب وحتى رانييري قال عنه " زاراتي لن يلعب أبداً إذا لم يغير من أسلوبه وعقليته التى لم أشاهدها بأي لاعب أخر "
وعلى فكرة كل مدربين الإنتر أعطوا زاراتي فرصه في البداية لكن تصرفاته هي الي خلته يقعد بالمدرج .. لغاية ما وصل لمرحله من المراحل يقول فيها :" اللعب لخمس دقائق مع الإنتر أمر مفرح !!! " طيب وين الي كان يصارخ ويزعل إذا بدله ريّا بالشوط الثاني ؟؟
صدقني أنا أتمنى يرجع زاراتي الي عرفناه مع ديليو روسي الي كان يفكر بالهجوم أكثر من الدفاع وبأيامها كان دفاع لاتسيو من أسوء دفاعات الكالتشيو بسبب فكر ديليو روسي الهجومي وحتى لما أنتقل لباليرمو أنتقلت هذي العدوه لصقليه وصار باليرمو من أسوء الدفاعات بالكالتشيو بالرغم أن هجومه قوي !!.. زاراتي عنده إمكانيات كبيره وعارفين أنه راح يفيد لاتسيو لكن مشكلته في تفكيره فقط