الحمدلله على الفوز و اهم شي الثلاث نقاط
خصوصاً ان المباراة تعتبر المباراة الختاميه لـ مرحلة الذهاب
اعذر اللاعبين بصراحة لأن دايم مستويات اللاعبين تكون سيئة بعد العطلة مباشرة
لكن في بعض النقاط اللي احب اذكرها
اولاً مشكلة ماوري مع رجلـه اليميـن !! اكثر من مباراة تجيه فرص ممتازه لكن بسبب انه ما يعرف يلعب نهائياً بقدمه اليمين تموت الهجمة و يضيع فرص محققه
امس التاتا لعب كرة ممتازة لـ ماوري .. لو شايتها على الطاير باليمين كان من الممكن ان تكون هدف
لكن كـ عادة ماوري سكنها و حاول ياخذها بـ رجله اليسار و ماتت الفرصة اللي كانت داخل منطقة الجزاء
ايضاً مشكلة التكتيك و الخطة ما بين 4-5-1 و 4-4-1-1 مع عبدالله كونكو و انطلاقاته
بو عابد ينطلق بالهجوم و يفتح سبرنت لكن دائماً ما يلقى اي مساندة و بذلك تموت الهجمـة
والسبب ان ماوري الجناح الايمن ينزل للعمق و تتحول الخطة الى 4-4-1-1 و التاتا يرجع للخلف لـ تغطية مكان كونكو .. و بهالطريقة عبدالله يبقى لحاله لا مسانده من ماوري لا مساندة من ليديسما لا مساندة من اي احـد !!
بعكس الجهة المقابلة نشوف رادو و لوليتش يساندون بعضهم و احيان يجنح وياهم هيرنانيس
عموماً الثلاث نقاط حصلناها و المنافسين تعثروا و الحمدلله على كل حال