بانتظار خبر اقالة بيتكو
كنت انتظر منه شي لكن للأسف مع الوقت يتعرى اكثر
الفريق بدون تكتيك ... المسألة اجتهادات فردية من اللاعبين ... مافيه هجمة مرسومة
والمشكلة مافيه دفاع ولا هجوم ... ما ادري وين اللاعبين
اليوم اشوف فيرونا ... لا تقولون نبي نصير مثل برشلونة وريال مدريد واحلام في الهواء
بس شوفوا فيرونا كيف يلعب
تنقطع الكورة تلاقي فيه دفاع ... اذا استحوذ على الكورة يهاجم بسلاسة وسرعة ... تبيه يضغط على حامل الكورة يضغط
لاتسيو مع بيتكو متهالك لأقصى درجة ... اذا استحوذ الفريق على الكورة يتأخر ببناء الهجمة ... تأخر غير معقول
واذا انقطعت الكورة تلاقي فراغات بالدفاع ... وين اللاعبين؟؟
تقولون سياني وسانا ... معكم حق بالحالات اللي تتكلمون عنها لكن بالله عليكم كم عدد المدافعين بالعالم اللي يقدرون يوقفون بانديف وهيجيوين بدون مساعدة من اظهرة ومحاور وبدون ضغط سليم من لاعبي الوسط والهجوم على حامل الكورة
الهدف الاول سانا اندفع وتعداه هيجوين ... صار بانديف وهيجوين منفردين بسياني ... وماركيتي كملها بخروجه عن المرمى مع ان سياني قريب جدا من هيجوين وماعطاه راحته ... بس لمسة بسيطة بنص الباب وهدف ... غلطة مدرب على غلطة مدافع على غلطة مدافع على غلطة حارس ومانبي يتسجل في بابنا ... ياعالم على كمية الاخطاء اللي حصلت بالهدف الاول المفروض ينحسب علينا الهدف بهدفين
الهدف الثاني لاعبي لاتسيو صاروا مثلهم مثل اللي يتفرجون على المباراة ...ولسان حالهم يقول يالله يابنديف سجلها خلنا نسنتر
الهدف الثالث والرابع الشرهه على اللي يامل بشي من هالفريق ويتابع المباراة باهتمام ويعرف كيف تسجلت بالضبط بس اذكر سياني دخله جني زيدان وسوى شي ماقد شفناه في لاتسيو
حتى الهدف اللي سجله كيتا يشرح حال لاعبي لاتسيو في الهجوم ... يالله ياشباب شدوا حيلكم نبي هدف ... هذا تكتيك لاتسيو وهذا هجومه ... ارتجال وارتجال وارتجال والاهم هو الحظ ... هذا هو حال هجوم لاتسيو معه من البداية
ضروري مدرب يوقف اللاعبين عند حدهم ... كاندريفا خيطي بيطي طقها والحقها ومتى مابغى شات ... هيرنانيز اذا مرر الكورة مررها من رجله اليمين لرجله الشمال والعكس صحيح ... واذا شات الكورة ينافس كاندريفا بالصيد ... لولتش هذا حكاية لحاله جناح ماعنده مهارات ولا سرعة ولا تهديف ماعمري شفت جناح بالمواصفات هذي
طبعا الراس الكبير لوتيتو عليه لوم اكثر من بيتكو ... نابولي وفيورنتينا وجوفنتوس يهبطون للثانية ويرجعون اقوى من لاتسيو ... موراتي وبرلسكوني لما شعروا ان ماعندهم شي يقدمونه لفرقهم تراجعوا وتركوا الدفة يقودها من هو اهل لها ... الا هاللي جثم على لاتسيو وشوه كل ماهو جميل فيه ... هذا اللي يقول بأبني فريق بطل خلال 3 سنوات مرت عشر سنوات ومااستحق يتأهل لدوري الابطال ... حتى لو راح بيتكو اللي جاي ماهو بعيد عنه ... بتلاقي فيه مميزات لكن عنده عيوب اكبر مثله مثل اي مدرب مسك لاتسيو بزمن لوتيتو
ميهالوفتش يتعادل وهو ناقص لاعب ... اليوفي ونابولي مايتفاهمون الا بالاربعة ... مافيه ولا فوز خارج ارض لاتسيو بالكالتشيو من منتصف الموسم الماضي ومدري طقينا السنة او تونا ... مو بس الفريق اللي يسير بانخفاظ مستوى مع الوقت حتى اللاعبين نزلت مستوياتهم
الله يصبرنا على هالعلل اللي ابتلي فيهم لاتسيو