[بو سلمان]

اليوم الميدا سجل قول مع بريمن .. و هل الدلوخ يقولون الاعب مصاب شهرين !!

عن نفسي و شخصيا ً اشوف الميدا افضل من سانتا كروز بصراحه ..

بس الظاهر ان الصفقه فشلت و ما قدر لتيتو يجيبه ..

عموما ً في خربشات صايره داخل البيت الازيالي بعد تصريح ريجا عن سانتا كروز ..

يقول اذا جى سانتا كروز لازم واحد من المهاجمين يطلع غير كوزاك .. على قولته كوزاك بيرضى يجلس احتياط و غيره لا

و قال اعني فوجيا و روكي و زراتي و فلوكاري واحد منهم .. و نقول فلوكاري مستحيل توه موقع

باقي فوجيا - روكي - زراتي

كلهم جت عنهم اخبار و اخرها عن زراتي خبر يخوف من توتنهام و ياخوفي نخسر زراتي بسبب قناعات مدرب موقعين معاه سنه و نص بس يعني نهايه الموسم لازم نجيب مدرب افضل منه لاننا عارفين تاريخ ريجا كله و عارفين انجازاته ..

حتى لو جاب المركز الرابع انا مع تبديله بمدرب يخليك تنافس بشكل مستمر على الاقل .. مثل سباليتي او رانيري او برانديلي و من هل النوعيه ..

زراتي الكل متفق انه الموسم الماضي ما يسوى حتى 5 مليون .. لكن في عده اسباب خلت زراتي بهذا المستوى منها مشاكل الفريق و خروج بانديف و المدربين و ضغط الجماهير و غيره و غيره و غيره .. وانا اشوف انه يستاهل ياخذ فرصه ثانيه لان بصراحه اللي سواه في اول موسم خلى الاليمبكو كله يوقف على صبع و حتى روكي طول هل المواسم ما قدر يسوي نفسه من ناحيه ( المهارات و الفنيات و الاهداف ) هذا اللي اقصده ..

لكن .. و ركز على كلمه لكن ..

اذا جاب سعر نقول مثلا ً من 35 مليون و انت رايح .. انا مع البيع بصراحه و اجيب مكانه سواريز
بلا سانتا كروز بلا بومبا كرز

لكن حاليا ً زراتي مستحيل يجيب هل السعر و من سابع المستحيلات بعد و فوق هذا انا ضد الاعاره .. يا البيع بسعر خيالي يا يبقى ولدنا هو الاحق و الاجدر ..

الكبيتانو روكي له كل الحب و التقدير و التحيه .. عمل كل شي لـ لاتسيو لكن روكي فيه عذروب مخفي وانا متأكد منه و واضح هذا الشي من تصاريحه حتى لو كان يخفي ما بداخله اللحين عقب ما طبوا فيه الجماهير ..

روكي مشكلته غيوووووووووووووور لابعد حد وانا اتوقع و العلم عند الله انه هو اللي بروح اعاره للفيولا او اي نادي ثاني ..

لان زراتي اساسي كان في اخر استعدادات ريجا للسامب و خلاص ثبت التشكيله بتواجد ايرنانيش يسار و زراتي يمين و فلوكاري راس حربه ..

بصراحه احب روكي بس افضل بقاء زراتي عليه لان لا زال عندي ثقه في ماوريتو ..

واذا ما صار شي يا اخي بلاها .. خلي كوزاك و خلي بقيه المهاجمين وبلالالالالالاش سنتا كروز يا اخي و فكنا عوار الراس يا ريجا ..

اسف ع الاطاله