يعطيك العافية يا لاتسيو 22
موضوع ممتاز ومتعوب عليه
ولكن للاسف الصور مو ظاهرة
انت كتبت سؤال مهم ويحيـّر حيـل ؟
الاجابـة لسؤالك من دون شـك روسي
ولكن روسي يعتبر مثل المرض او العلـه
وهالمرض يسبب جروح وهالجروح مؤلمـة
وانت لامست هالجروح
زاراتي اولاً روكي ثانياً لوتيتو ثالثاً
الجرح الاول لمرض روسي هو زاراتي
وقلتها قبل كم يوم في احد الردود مع احمد التتان
الكل اصبح يعرف طريقة لاتسيو الهجوميـة
امسكوا زاراتي وينتهي الموضوع !
اول الموسم زاراتي كان يهدف ويجيب اهداف ويصنع من دون مضايقـه
اما الحين زاراتي من يمسك كورة اللا داشين عليه اثنين
وللأسف الشديد ان زاراتي ما ينتبـه للشي هذا
يحاول يراوغ هالاثنين وويحاول يراوغ ثلاث و اربع لكن مو قادر !
هو للحين صغير وقدامه مستقبل وان شاء الله يتعلم
المفروض على زاراتي اذا كان متضايق يمرر لكن هالشيء للأسف ما نشوفه اللا نادراً !
وهذا الجرح هو سبب كبيـــــر ان لاتسيو في الآونـة الأخيرة مو قادر يسجل اهداف !
الجرح الثاني لـ مرض روسي هو روكي
كابتن الفريق عائد من الاصابـة ومع اول ظهور له سجل هدف
ولكن بعدها روكي تضايق وصرح ضد روسي يوم روسي لعب بانديف المرهق واللي كان توه راجع من مباراة مع مقدونيا
هالشي اثر على روكي و اثر على روسي .. فـ الاول معاه حق ومو عاجبه مع انه صرح انه ما عنده مشاكل يكون احتياط ولكن على كلامه انا جاهز و بانديف متعب ! وفعلاً شفنا بذيك المباراة بانديف كان تعبااااااااااان حيل
و الثاني اثر عليه هالشي حيـل .. انتقاد كبير من كابتن الفريق للمدرب .. وهذا يأكد ان روسي ما عنده شخصية قويه فـ صرنا نشوفه يراضي روكي ويخليه يلعب وبس !
ولكن روكي وين قاعد يلعب ؟؟
في مركز مو مركزه ! في دور مو له ! والنتيجـة ضياع الهجوم اكثر و اكثر
روكي من نوعية المهاجمين اللي يحبون الانطلاق من الخلف
يحب توصله كرات خلف المهاجمين ويستغل سرعتـه لمواجهة المرمى
مثل اول اهدافه هالموسم ومثل الهدف اللي سجله على بريمين بدوري الابطال
ومثل ومثل ومثل ,,, الخ
وما يحب يلعب على الاجنحـة ! ولا يحب يسانـد الدفـاع !
ومع هذا نشوف روكي دايم يجنـح ودايم يساند الدفاع !
لأن هذا الدور اصبـح مرتبـط بـ اللاعـب اللي يلعب خلف رأس الحربـة
اذا المسألة مسألة غيـره ترى ما تدش العقـل ؟
روكي ليه ما غار من بانديف اول ما طلـع بانديـف
روكي متضايق من انانيـة زاراتي ومعاه حق
وانا واحد من الناس صرت اتضايق حيل من هالشغلة !
وعلى فكرة ترى حتى بانديف متضايق من انانيـة زاراتي !!
الجرح الثالـث لـ مرض روسي هو لوتيتـو
رئيس النادي اللي الى الآن يعطي روسي فرصـه ولكن للأسـف اكثر من مرة روسي ينجو من الاقالة
فاز بالكاس على ميلان .. تعادل مع اودونيزي .. والله يستر من الجاي
اما بالنسبـة لطريقة لوتيتـو الاقتصاديـه طريقـه ناجحه وتم تسديد رواتب اللاعبين المتأخرة ( بانكارو - كورادي - فيوري - انزاغي - دينو باجيو .. الخ )
والآن الامور الاقتصادية بالنادي ممتـازة
بالنسبـة لموضوع بانديف انه يبي 4 مليون بالسنـة هذا الشيء اول مرة اسمـعـه !
ياليت تذكر لنا المصدر !!
اللي اعرفـه ان الطرفين متفقين على زيادة راتب بانديف الى دبل دبل راتبه الحالي 450
يعني تقريباً راح يكون راتبه مليون ونص ولكن الاختلاف الحالي على الزيادات الماليه او البونس
مثل اللي سمعناه قبل ان كل 10 اهداف عليه 5 آلاف مدري 6 آلاف وهكذا
اما الموسم الماضي انتهى خلاص بحلوه و مره .. ما نحاسب لوتيتـو عليـه
خصوصاً انه هالموسم قام بتغييرات كبيره وحلوه بالفريـق
شكراً لكم على هذا الطرح ولا تحرمنا من هالمواضيع الحلوه