الله يعطيك العافيه يابو كولو وماقصرت مجهود كبير تشكر عليه
بالفعل هالسنه مافي أحد مهتم للفريق مثل ما تفضلت لأن مافي لاعبين مشهورين مثل أول
الموسم الي طاف النتائج الي يحققها الفريق كانت خياليه يعني يفوزون بالسبعه أو بالخمسه بأكثر من مباراة
للأسف أنا أشوف أن أندية الجنوب هي أضعف أندية الدوري الإيطالي بمرحلة البريمافيرا إذا أستثنينا لاتسيو وروما .. ودائماً المراحل النهائية هي الي تبين معدن الفريق الحقيقي
الموسم الي طاف كان فريق لاتسيو بالفعل قوي وأكبر دليل وصوله للنهائي ... وحالياً الفريق يبشر بخير لكن المرحله النهائية هي الي تحدد مصير الفريق من ناحية القوة
في شي ممكن يكون إيجابي للفريق لكنه بنفس الوقت سلبي وهو كثرة اللاعبين الأجانب بالبريمافيرا وهذا يقلل من بروز اللاعبين الطليان بالفريق وما نشوفهم بالمنتخب الإيطالي على عكس أندية الشمال وبالذات جنوى واليوفي وسامبدوريا
للأسف حتى وإن كان في مواهب حقيقيه بهالفريق ماراح نشوفهم بالفريق الأول بالرغم أن بيتكوفيتش يعتمد على الشباب وأستدعى أكثر من لاعب .. لكن الي يضيع موهبة هؤلاء اللاعبين هو لعبهم بفرق الدرجة الرابعه !!!
الله يعطيك العافيه