يعطيك الف عافيـة اخوي اللاتسـ ـيـ ـاوي على التقديم الرائع والمميز
والمقدم بـ صورة حلوة وتنظيم وتنسيق جميـل
اللقاء ما يقبل القسمـة على اثنيـن
وما يقبل التعادل او الخسـارة !
الجماهير مشحـونـه بالغضـب على المدرب
وعلى قراراتـه اللي مدري شلون صايـرة !
الاصرار على ماوري و ليديسما ومستواهم سيء !
التبديلات اللي مليون مرة قلتها روسي ما يعرف متى يبدل
ومنو يطلع ويدخل منو !!
يعني المباراة ضد الفيـولا راح تكون مباراة بين الجماهير وبين امكانيات روسي كـ مدرب
يعني على روسي الفوز بالمباراة لـ نفسـه وللجماهير وأولاً واخيراً لـ لاتسيـو
بالنسبـة الى الفيـولا الى الآن هم غير منظميـن !!
والسبب تغيير جلـد الفريق بالكامل تقريباً
والمباريات اللي شفتها لهم في شي واضح بالفيولا
وهو عدم تفاهم بعض اللاعبين مع بعض !
والمدرب برانديلي مدرب ذكي وممكن يلقى الحل لهذه المشكلة
ولكن ما اعتقد انه بيقدر يلقاها بين يوم وليلـه !!
ياليت ينتبـه روسي للشغلـه هاذي
بالنسبـة لخطوط الفريقيـن اعتقـد ان الخطوط متكافئـة
ما عدا خط الوسط تميل الكفـه الى الفيـولا
\
/
\
/
" دردشـ ـه قـ ـبل المبـ ـاراه "
1 - كيف تتـ ـوقع ان يبدأ لاتسـيو اللقــاء ... ؟
توقعي يبدأ بقوه ويضغط ويحاول التهديف .. وتحديداً توقعي راح يبدأ مثل بدايـة سامبدوريا
وبعدها بـ يتراجـع ويغطي ويحاول يدافع عن الهـدف !
2 - هل سوف تشـــاهد تحفظ من الفيــولا .. لانه يلعب مع لاتســيو في رومـــا . .. ولان لاتسيو يريد التعويض .. ؟
برانديلي مو مثل اي مدرب .. على ارضـه مو على ارضـه .. يقرأ المباراة ويحط لها التشكيلة المثاليـة واكبر دليل مباراتـه مع ليون في فرنسا فايز 2 \ صفر ولكن مع التبديلات ومع النقطة اللي ذكرتها عدم تفاهم بعض اللاعبين ليون قدر يعادل النتيجـة
3 - موتـو ســوف يشكل خطوره كبيره ع دفاعات النسور ..كيف نحــد من خطــوره مــوتـــو ... ؟
حالياً الفيـولا تطور عن الموسم الماضي
عندهم جيلاردينو و مونتيلفيو و فارغاس .. غير موتو
هذول ممكن يصنعون الفارق بالفيـولا
ولكن اجابـة على السؤال .. اعتقد موتو يشابـه كاسانو بطريقـة اللعب
ومثل ما النسور قدر يوقف كاسانو اعتقد قادرين يوقفون موتو
4 - كم تتوقع نتيــجه اللقاء .. ؟
ماني متوقـع لأني صرت اتشائم حيل !
ويعطيك العافيـة يا الغالي على التقديم المميـز