قواك الله يا عيسى و ربي يعطيك الصحة و العافية على التقديم المميـز
و ربي يعينك و يقويك على كتابتـه مرتيـن .. هالحالـة غثيثه بصراحـة ^_^
و دايم ترى تصير وياي لما اكتب خبر واللا موضوع بس الحين تعودت اني اي شي اكتبه حتى لو رد كل شوي اسوي له كوبي عشان ما امسحه بالغلط و اللا اقفل الصفحة بالغلط ^_^
عموماً نجي للمباراة
مباراة قويـة و ما راح تكون سهلـه نهائياً .. غلادباخ فريق محترم و قوي و ما يستهان فيه
عندهم لاعبين كثر مميـزيـن و ممكن يشكلون خطورة كبيرة علينـا
لازم نلعب بـ حذر بـ هاذي المباراة و نحاول نخرج بـ نتيجة ايجابيه
و بـ ارضنا نهاجم و نقاتل للفوز لأن عامل الارض عامل مهـم جداً في مثل هذه المسابقات
1/ هل الحذر الدفاعي والتراجع معظم المباراة مطلوب حتى لا تتكرر خسارة ذهاب العام الماضي بالثلاثة من الأتليتيكو ؟؟ مطلوب جداً جداً اللعب بـ هذا الاسلوب الحذر الدفاعي و التراجع و اللعب على المرتدات .. هاذي المباريات صعبـه و عامل الارض مهم فيها و غلادباخ راح يهاجم من اول دقيقة و مجاراتهم بـ نفس اسلوبهم راح تكون عكسيه علينـا على سبيل المثال مباراة اليوفي و سيلتيك .. اليوفي فاز 3 - 0 رغم ان الخطورة و الهجمات و السيطرة لـ سيليتك لكن اليوفي احترموا خصمهم و لعبوا بشكل دفاعي و نجحوا في ضربهم بالمرتدات و الدفاع الايطالي دائماً قوي و لازم نستغل هالشيء لـ مصلحتنا كوننا فريق ايطاليا و يلعب بالكالتشيو .. ندافع صح و نلعب على المرتدات و نحاول نخطف هدف او على الاقل نخرج بالتعادل و في مباراة الاياب بالاولومبيكو نلعب بقوة و نهاجم و نستغل عامل الارض و الجمهور و اتمنى مشاركة كانا تحديداً بهالمباراة بدال ليديسما لأنه قوي و يجيد اللعب على المرتدات و يفتك الكرة بشكل سليم عكس ليديسما .. اللي دايم اداءه ضعيف و مهزوز قدام الاندية اللي تلعب كرة سريعـه 2/ ماوري وإيدرسون من منهم أنسب ليدخل كبديل ويعطي الإضافة في الشوط الثاني ..؟؟ حسب مجريات اللقاء و لو اني ما افضل ولا واحد فيهم يلعب لأنهم راجعين من اصابه اضافة الى انهم بطيئين هاذي المباراة تحتاج لاعبين سريعين يراكضون طول المباراة دفاع و هجوم لذلك لاعبين مثل بيريرينيا و اونازي ممكن يكونون مفيدين اكثر من ماوري و ايديرسون
3/ توقعك لنتيجة المباراة
كل الامنيات بـ نتيجة ايجابيـه للنسـور