يعطيك العافيـة يا بشـار على هالتقديم وعساك عالقوة
دايم مبـدع
بالنسبة للنقاش السماوي
[ 1 ] هـل ترون فعــلا ان هذه المباراة خالية من الرهان . عـلي الاقل بالنسبة للاتسيو ؟
لاتسيـو قلناها مراراً وتكراراً الدوري ومباريات الدوري اصبحت لاتهمـه
لكن اللي يهـم بكل صراحـة هي تجربـة لاعبين جـدد ولاعبين من الشباب ولاعبين الاحتيـاط
حتى نعرف منو يستاهل يبقى ومنو يتساهل يروح
اما بالنسبـة لـ كاتانيا فـ هي مباراة مهمـة وعلى ارضـه .. اعتقد راح يهاجم بقـوة
[ 2 ] ما هي انتظاراتك ما هو احسن سيـناريـو قـد يرضيــك في هذه المباراة ؟
كلنا نبي الفوز ولاشيء غير الفوز .. لكن اللي يزعل الواحـد هي بعض الاشياء اللي يقوم فيها المدرب وتكلمنا بالامر هذا كثير جداً .
السيناريـو اللي يرضيني .. تسجيل هدف بوقت مبكر وبأول الشوط الثاني هدف مبكر وبعدها يصير اللي يصير .. لأن هالشيء راح يسبب ربكـه كبير لأي فريق بالعالم .. بدء شوطين المباراة بـ هجوم ضارب وكاسـح .
[ 3 ] كاتانيا ؟ هـل تتــوقعون ان نجـــد نفس النـادي الذي هزم لاتسيو بالثلاث الموسم الماضي ؟
بـ نلقاه اقوى مع المدرب الجديـد .. اللي وظـّف لاعبين في اماكن غير اماكنهم وهاذي تحسب له .. غير هذا الفريق من الفرق المهدده بالهبوط .. فأكيـد المباراة ما راح تكون سهله وراح يهاجمون بقوة .
[ 4 ] لـو كنــت مكـان روســي . كيــف ستتصـرف مع الرصيـد البشري المتاح لك في اللقــاء (مساحة حرة) ؟
اعتقـد التشكيلة الموضوعـه والمتوقعه حسب اللاجازيتا هي تشكيلة منطقية ومعقولـة
ولو اني اتمنى تواجـد بارونيو مكان ليدسما أو مكان موتاريللي .. لأن هاللاعب كل ما اعطيت له الفرص بدّع
اتمنى اراحـة كولاروف مع اني اتمنى تواجـده .. لكن اراحتـه للاصابة ما حنا مستعجلين على شيء بالدوري .. وياليت يتم تجربة احـد لاعبين فريق الشباب .. اما الهجوم بانديـف وتـاري هجوم ممتاز وكذا مرة لعبوا جنب بعض وزينين مع بعض .. اتمنى بالشوط الثاني خروج تاري ودخول مانشيني لاعب فريق الشباب .. او يلعب مانشيني من بداية المباراة والشوط الثاني يخرج هو او بانديف على حسب المستوى ويلعب تاري
:: أحـب اضيف نقطة ثانيـة .. الظهير الايسر لـ كاتانيا واحد ابرز لاعبي الكالتشيو هالموسم فارغاس .. صار يلعب كـ جناح ايسر بدل الظهيـر .. وصار اخطـر من قبل وانطلاقاته وعمقه لمنطقة الجزاء صارت تسبب مشاكل لخطوط الدفاع اللي يقابله كاتانيا .. لكن معرفتي بقوة دي سيلفستري اتوقع انه راح يشل خطورة فارغاس
ومشكور يا بشار على هالتقديم الرائع من عضو رائع