لا تدخل بموضوع مثل هذا الا ومعك اللي يقول توتي احسن من زيدان خله يتناشب مع اللي بتقنعه الين يطير عقله
وبعدين مافيه شي اسمه هذا الفريق افضل لكن كل فريق له مميزاته وله عيوبه وله وقته اللي يتألق فيه
مثلا الجوفنتوس افضل فريق بالتعاقدات مع اللاعبين لكن يعاب عليه الفوز بمساعدة التحكيم يعني يشتري البطولات ولا يحققها والانتر فلوس على الفاضي لا فكر ولا تخطيط ولا استقرار
اما لاتسيو عنده كثير من المميزات فريق يتألق فيه كل من يلعب معه من اللاعبين ويضيع اذا انتقل منه (يعني البيت الحقيقي لكل لاعب يدخل ايطاليا) هذا غير النتائج الايجابية اللي دائما يحققها رغم ان ميزانيته ماتصل الى واحد من عشره من ميزانية الانتر والميلان هذا غير الديون الكبيرة اللي عليه ورغم ذلك يقدم متعة ولعب جماعي للمشاهد ماتقدمها الفرق الكبيرة
وبعدين فريق ما اخذ اللون السماوي الا لأنه حقيقي وعالي مثل السماء وما اتخذ النسر شعار له الا لأنه وحش مايتروض