السلام عليكم
شكرا للشباب الي تفاعلوا بالموضوع بالنسبة للغالي ابو رباع
انا برد على كلامك جملة جمله
بعدين يا جماعه شفيكم ماسكين عليي متناقض ومتناقض !
ترى بالاول هذي وجهة نظري ومافرضتها على احد.
ثاني شي ياريت لو تقرون الي كاتبه عدل
عموما تفضل يالغالي هذي النقاط الي حضرتك ذكرتها : اقتباس:
أنا و انت و كل متاعبين و مشجعين الفريق يعرف و يجزم إن مو هذي إمكانيات الفريق
في النادي لاعبين و لاعبين كفء إنهم يلعبوا بدل أساسيين ديليو روسي
كلنا نجزم إن دفاعنا بالرغم من الأسماء اللي فيه لكن أكبر خلل هو مدربهم << اللي مو عارف أصلاً كيف يصفهم و يرتبهم ,
يا أخي اذا لاتسيو أسامي دفاعه ضعيفة , عدال اشحال ريجينيا و كييفو و ربعهم ؟ ليش هذولا ما ينصكون على وجيهم و احنا ننصك ؟! الانتر و ميلان ما يفوزون على ذولا المذكورين بالنتايج اللي يصكونا فيها , و غير كذا اهي ليتها وقفت على الانتر و ربعه إلا كالياري صار يتقاوى علينا . |
بالنسبة للكلام هذا, شنو ممكن يسوي روسي اذا ماكان عنده مدافعين مثل الخلق؟ انت اتقول لاعبين كفء يلعبون بدل الاساسيين! طيب راح اعددلك اياهم واحد واحد, سيفيليا الكل عارف ان ما عرف شي اسمه مركز اساسي بالفريق الا لمه انتقل للاتسيو ايام ليتشي كان احتياط وبارما كان احتياط و روما كان احتياط ,طول عمره احتياط وبقدرة قادر يصير اساسي مع النسور وللامانه بموسم التأهل لدوري الابطال كان مقدم موسم مميز.
نروح لكريباري....انا شخصيا ماتابعت له مباراة نفس العالم غير المباراة الي كان مقنع فيها
لاعب ماعنده المقدره انه يجابه امثال شيفا وادريانو فالسابق وحاليا ابرا و كاكا وغيره من المهاجمين,دوره فالملعب تكملت عدد والي يقول ان كريباري مميز خل يجيب لي ويعدد لي المباريات الي تميز فيها.
خلصنا من كريباري نروح لروزينال,روزينال يعتبر افضل من الي قبله لكن ايضا عنده اخطاء فادحه وماتقدر اتسامحه عليها واقرب مثال مباراة الانتر هذا غير انه مدافع طويل ومايجيد الرأسيات والكرات العاليه ! وطبعا ماراح نقول انه فاشل للدرجه هذي بالعكس قدم بعض المباريات المميزه لكن ايضا مو من الي نعتمد عليهم.
نروح حق دياكيتي الي انا شخصيا اعتبره الوحيد الي ممكن نسميه مدافع, عنده مقدره على ايقاف افضل المهاجمين ومميز بالكرات العاليه الي اهي نقطة ضعف الفريق هذا غير ان من المستحيل انك تتجاوزه بالواحد ضد واحد, لكن هل بني آدم فيه عيب شرعي...اصاباته شي غريب مع انه بنيته هائله بس تحسه بسكوت, كل يوم والثاني متعور واذا تعور يقول عدولي,يبيله سنة على شان يرجع.
رادو حاله حال روزينال مايعتمد عليه نهائي مع العلم انه لعب اغلب الوقات بمركز غير مركزه وينفع يكون احتياطي.
طيب احنا خلصنا من المدافعين القلوب, انت برأيك شنو ممكن يسوي روسي؟ ينزل بالملعب بدالهم؟ مايبيلها تفكير فريقنا ماعنده غير مدافع واحد وهل مدافع دايما مصاب وغير هذا ماعنده الخبره الكافيه ! بالنقطه هذي راح نعرف ان روسي معذور بالنسبة للدفاع ومابيده شي يسويه الا انه يلعب على حسب الامكانيات الي عنده.
اتمنى اكون وصلت الفكره لكم!
اقتباس:
ديليو روسي مدرب وسط و فريق وسط زي ما قال أخونا حبيب الملايين امــيــر الــذوقــ ,
كأس الاتحاد الأوروبي وصوله له يعتبر انجاز , فوزه على باليرمو بنتيجة 3-1 تعتبر إنجاز له - تعادله مع اليوفي انجاز له, هذي إمكانيات روسي.
تقول لي ممتاز اش خلينا عيل انشيلوتي و مورينو و بينيتيز و هيدينك ؟
يعني بالله هذا يقابل واحد من الحبايب اللي فوق , وش تبي المباراة ؟ أكيد مسخرة |
انا بوضح لك شغله بالنسبة لكأس الاتحاد والكلام هذا
انت تدري منو الي يجتمع بالاعبين والمدرب ويقولهم يا شباب انا هل موسم عندي 3 مطالب
ابيكم تفوزون بالديربي, تتأهلون لكأس الاتحاد,تحققون بطولة!!!! تعرف منو الي يقول هل كلام؟ الي يقول هل كلام الرئيس.....الرئيس الي يحط الخطه الموسميه للفريق!!
عمرك سمعت ان لوتيتو يطالب روسي بالتأهل لدوري الابطال او الفوز بالدوري؟
اذا انا كنت ناسي ياريت تذكري متى لوتيتو عمل الشي هذا وطالب الفريق بتحقيق هل شي؟
ترى لوتيتو عارف مستوى فريقه وعارف خامة الاعبين الي عنده وشنو ممكن يحققون له اكثر مني ومنك.
المعنى والخلاصه من كل هل كلام ان روسي لمه يعتبر التأهل لكأس الاتحاد انجاز صدقني هذا نابع من مطالب الرئيس , ولو كان رئيسك طالب منك الشي هذا وحققته اكيد راح تعتبر هذا انجاز لان مثل مايقولون انجزت مهمتك على اكمل وجه.بعدين متى اعتبر روسي ان الفوز على باليرمو انجاز؟ ما اتكر اني قريت الكلام هذا !!وبالنسبة لكلامي ان روسي ممتاز..اي نعم روسي ممتاز والاسامي الي ذكرتها امثال هيدينك وبينتيز مانعتبرهم ممتازين نعتبرهم حالهم حال الاعبين السوبر ستار اي مدربين سوبر ستار 
اتمنى اكون وضحت النقطه هذي.
اقتباس:
| و اذا على مسألة المقارنات خذ مقارنة |
اخوي بالنسبة للمقارنات شلون تقارن فريق نص لاعبينه اذا مو اغلبهم لاعبين من قبل في بطولات اوربيه وفريق لاعبينه اول مره يلعبون مباريات اوربيه!!!
يعني فيوري و كوتو وبيروتزي و ستانكوفيتش وميهايلوفيتش ونيغرو(اكثر لاعب مشاركات اوربيه مع الفريق) تقارنهم بـــ روكي وبانديف وبالوتا الي عمرهم ماشاركو بكأس الاتحاد فما بالك دوري الابطال !!صراحه اختلف معاك مليون مره بهل كلام!
لاتنسى ان اعلى مركز لمانشيني مع النسور كان المركز الرابع مع لاعبين يعتبرون سوبر ستار و ديليو روسي مع لاعبين مغمورين وبس الي يتابعون الدوري الايطالي يعرفونهم تأهل لدوري الابطال واخذ المرز الثالث اذا منطقيا وبالارقام روسي مسيرته افضل من مانشيني هذا اذا طبعا تبي نتكلم عن الارقام بس الواقع طبعا بيقول ان مانشيني افضل بكير وفريق لاتسيو مع مانشيني كان فريق خرافي(ايضا لاتنسى نوعية الاعبين آناذاك).
طبعا مانشيني لمه تأهل مع الفريق لدوري الابطال في اول موسم له مع لاتسيو حقق المركز الرابع بــ60 نقطه ويحسب له ان الفريق خسر طوال الموسم 4 مباريات فقط وفاز 15 مباراة وتعادل 15 ولاننسى ان الدوري كان 34 مباراة, ثاني موسم لمانشيني حصل المركز السادس وكان يعاني مثل ماعانى روسي بدوري الابطال والسبب الميركاتو الضعيف طبعا حقق مانشيني بذاك الموسم56 نقطه فاز 16 مره تعادل 8 وخسر 10 وفاز بكأس ايطاليا.
روسي اول موسم له مع النسور حقق المركز السادس بــ62 نقطه و 16 فوز 14 تعادل و 8 خسارات وطبعا هذا كان موسم الكالتشيو بولي وتم خصم من الفريق 30 نقطه وطبعا بطاقة كأس الاتحاد راحت من الفريق .
ثاني موسم له حقق المركز الثالث بــ62 نقطه(المفروض65 بس انخصم من الفريق 3 نقاط عقوبة الكالتشيو بولي) فاز 18 مره تعادل 11 وخسر 9 وطبعا من دوري الابطال كان حاله حال مانشيني .
طيب ابيك توريني بالمقارنه شلون روسي فاشل ؟
انا قلت ان روسي افلس مع لاتسيو بس هذا مو معناته ان خلاص يعتزل التدريب !!في فرق ثانيه ممكن يبدع معاها مثل نابولي وحتى اليوفي الي يبونه بدال رانيري , اما مع لاتسيو فخلاص لان الفريق اصلا يحتاج مدرب جديد بفكر جديد....ولو كان تفكيرنا مثل ماتبون عيل اكيد بنقول ان اريكسون مدرب فاشل ولا حابين اذكركم شلون طلع من الفريق؟
شوفوا اول 10 مباريات للفريق ذاك الموسم وبعدين تكلموا!
عموما انا كلامي هذا نهائا مو دفاع عن روسي بس انا انسان منطقي واشوف ان روسي انجز
شي طيب مع لاتسيو وللمره المليون اقولها ان روسي مدرب ممتاااااااااااااااااز
وللمره المليون انا ماني شايف ان كلامي فيه تناقض
روسي افلس مع النسور ! بس الشي هذا مايعني انه مدرب فاشل
ممكن لو يطبق نفس خططه بفرق ثانيه راح يقدم نتايج طيبه
ولو كان روسي مدرب فاشل شنو نقول عن سباليتي!!
هل هو مدرب فاشل ؟
سباليتي شوفه الموسم هذا وشوف الاشياء المخزيه الي انحفرت بالتاريخ الروماوي امثال السبعات والاربعات والخمسات وانت رايح!!
هل معناته انه مدرب فاشل وخلاص ماينفع؟
ليش الميلان يبونه واليوفي يبونه وتشيلسي يبونه !!!
المدرب خلاص قدم كل الي عنده مع روما ويحتاج انه يغير الفريق حاله حال روسي
نقطه وانتهى !