و عليكم السلام و الرحمة ،،، لو سمحت أبغاها سادة راح أجاوب على الأسئلة بشكل مقالي بما إن الموضوع للدردشة أعلنت قبل كذا مقاطعتي لمباراة السامب و ميلان ... لأني متأكد إن شاء الله إنها نهاية روسي .. يمكن نضيف مباراة الفيولا معهم ... أما لو ننهزم بالثلاث مباريات و لوتيتو ما يقيل روسي ما أدري وش بيصير فيني وقتها.. أتوقع إني بـ أسافر لإيطاليا و أذبح لوتيتو و روسي و يمكن معهم مانفريديني ( آسف زاوري 8 ).. لا من جد يمكن ينتهي موسمي .. بصراحة الواحد تعب .. معدل نمو الشيب زاد فيني الفترة الأخيرة و أنا توي كتكوت ... بعد مباراة السامب دقيت على واحد من الشباب و قلت له عندك شي الأحد بالليل قال لا .. قلت له أجل بنطلع سوى ... الأخ إستغرب .. هو متعود إني ما أطلع أول الأسبوع بسبب المباريات و سألني ليش .. قلت له لاتسيو بيلعب مع ميلان و مالي خلق أشوفها .. قالي أكيد بيفوز ميلان ( طبعاً هو ما يعرف من الفرق إلا إسمها) قلت له لا يكثر علشان كذا ما أبي أشوفها ! المباراة راح تكون كالعادة ... ميلان يفوز بكم وافر من الأهداف .. أتوقع بنشوف فاولات و ركنيات حلوه من جهة ميلان .. بيرلو ... بيكهام ... رونالدينهو .. و ما يحتاج فريقنا يمتاز بأنه سهل ينشق بالكرات الثابتة !! أتمنى لاعبينا و قبلهم الطباخ الكبير يشوفون مباراة ميلان و جنوى الأخيرة ... و يشوفون جرأة و شجاعة جنوى إلى الدقيقة الأخيرة ما إستسلموا و جابوا التعادل مع ميلان في ميلان ... ما هو مثل خوينا .. يفرح بالتعادل على أرضه مع اليوفي !! هذا اللي عندي و آسفين على الإطالة