الاجواء كانت مشحونه جداً و لكن الحمدلله فزنا
و رادو بدع يوم امس مع اني خفت لا ينطرد يوم تهاوش مع روسي
الفريق بالشوط الاول كان ممتاز من ناحية الاحتفاظ بالكرة و التمريرات
لكن من الناحية الهجومية كان سيء جداً و السبب خط الوسط اللي يفتقد للاعب اللي يمول الكرات للمهاجميـن .. و هالشي فاقدينه من زمان حتى يوم كان هيرنانيس عندنا
اللاعب الوحيد صانع العاب كان ماوري و كان هو ( الاسيست مان ) لكن حاليا و مع فترة التوقف ماوري بعيد جداً عن مستواه و رجعه الى الحركة البطيئه ! .. في اكثر من لقطة كلوزه و كاندي يفتحون له و يطوّل كثير على ما يمرر
كلوزه في كثير من الهجمات يفتح سبرنت يبي كرة توصل له لكن للأسف اما التمريرات قويه ( مثل تمريرة ليديسما الشوط الاول ) او تباطئ بالتمرير او حتى عدم التمرير له لأن لاعبينا ما يجيدون مثل هالتمريرات البينيه
تمريرة التاتا هي اللي كان يبيها كلوزه في اكثر من هجمة
بالشوط الثاني واضح ان الفريق استهتر و بالغ في استهتاره بسبب ضعف ساسولو الشوط الاول .. اداء اللاعبين انخفض بشكل كبير و شفنا تمريرة ليديسما الغريبه لـ لاعب ساسولو اللي جاء منها الهدف !!
ليديسما كانت هاذي من افضل مبارياته هالموسم لكن للأسف خرب كل شيء بسبب خطأ فردي و فقدان تركيز و استهتار جاء علينا هدف من هجمة ميتـه !
و فلورو فلوريس كالعادة يدخل بديل يسجل و دايم يسجل علينا و هالموسم ثاني مرة من فاول
عموماً فوز لا باس فيه و لازلنا مع الميلان على نفس الخط ^_^