كـ فكرة هي لا بأس فيها و ممتازة
لأن الصفقات اللي تتم بـ نصف البطاقـة الاندية ما تقدر تعير اللاعب
لأن بطاقتـه مملوكه لـ فريق آخر و لازم كل الناديين يتفقون على اعارة اللاعب
و لذلك لو حصل هالامر فـ تواجد تشيكاريللي مع بيسكارا راح يكون الزامي
لأنهم دافعين فيه فلوس و اكيد يبون يستفيدون منه
و بعد موسم او موسمين و هي اقصى حد لـ فك شراكة البطاقـة
لاتسيـو يدفع نفس القيمة و يرجع اللاعـب او في حالة بيسكارا يبيـه و ما عطوا لاتسيـو السعر اللي يبونـه
فـ تتجـه الامور الى المظاريف المغلقـة
و لكن ما اعتقد بيسكارا راح يسويها لأنه ما يبي يخرب علاقتـه مع لاتسيـو
و فكرة مناصفة البطاقة مع بيسكارا امر حلو و السبب انهم مرشحين للصعود و ممكن نشوف تشيكا الموسم القادم بالسيري اي و هذا من مصلحة تشيكا و من مصلحة لاتسيـو
لكن شخصياً انا ضد اعارة او بيع نصف بطاقتـه و السبب اننا لازلنا في البطولـة الاوروبيـة
و البطولة الاوروبية لازم نعتمد على ابناء النادي في حال حدثت اصابات او غيابات بسبب الكروت الملونـه
و المهاجمين الوحيدين من ابناء النادي المميزيـن هم تشيكا و روزي
و روزي مهاجم كلاسيكي رأس حربـة و يخلص الكور اللي تجيـه مقشرة
اما تشيكاريللي فـ هو لاعب يعطي الحلول يسجل و يصنع و يشوت فاولات
في مهاجم مميز بعد و هو مونتيفريتو لكنه لازال صغير و بوليني ما يعتمد عليه كثير و يحتاج له سنتين زيادة عشان يبرز