بصراحه فكرة تبديل فلوكاري بسلفستري ممتازه
سيلفستري عنده إمكانيات كبيره ومن أفضل المدافعين بالكالتشيو لكن الإنتر دايم يعتمد على الشياب بالدفاع وما يصبرون على اللاعب
لاتسيو لما كان يبي هالمدافع من باليرمو كان زامبريني مطلع لنا قرووون بسبب مبالغته بالطلبات وبالأخير أنتقل للإنتر إعاره ب2مليون !!
عمره 28 سنه ويقدر يعطينا ست سنوات قدام .. أنا مع الصفقه في حال تعاقد فريقنا مع مهاجم بديل لفلوكاري
بالنسبة لكوزمانوفيتش فذبحونا فيه كل يوم دابسينه بلاتسيو وكل مره يقولون أنه يبي يرجع لإيطاليا .. بصراحه بالرغم أنه لاعب زين لكن ما أتمنى ينتقل لنا لأن عندنا لاعبين إرتكاز كثر
بالومبو من بعد مارجع من الإنتر إدارة سامبدوريا همشته ووضعته بالسوق وأصبح لاعب غير مرغوب فيه .. ممكن يفيدنا لأن عنده خبره كبيره ويكون بديل لليديسما أو يلعب معاه بالفريق وما أظن أن سعره بيكون كبير
أما كوتشكا فبصراحه شفت له أكثر من مباراة هالموسم مبدع .. وكريمه ماعنده أي مشكله يبيع أي لاعب خصوصاً للاتسيو لكن أكيد لوتيتو مايدفع في يناير مبالغ كبيره وبعدين عندنا غونزاليس وبروكي وكانا فوين يلعب إذا جاء ؟؟ إلا نتعاقد معاه الحين ويجينا الموسم الجاي إذا أعتزل بروكي
لوكاس موني هذا ما أعرفه ولا أقدر أحكم عليه من الفيديو .. وأستبعد إنتقاله لنا
عادل تعرابت لاعب ممتاز ووجوده مع كاندريفا راح يعطي الهجوم نزعه كبيره لكن سعره حييل مرتفع والأنديه الإنجليزيه قاعده تتقاتل عليه
المحمدي هذا توه صار دولي وسجل على المانيا قبل كاس أمم أوروبا .. أجهل مستواه وإذا نبتعد عنه أحسن .. فلوكاري وزاراتي وروكي أكيد أفضل منه
جيوسيبي روسي أكثر من مره قال أنه يشجع روما من كان صغير ويتمنى ينتقل لهم أو للإنتر .. وفوق هذا اللاعب راح فيها بسبة الإصابات و مثل ما قلت ما أظن لوتيتو يدفع مبلغ كبير في يناير إلا عن طريق الإعاره ممكن يجيبه
وبخصوص المهاجم السويدي فهو هداف إيندهوفن لكن ولا مره شفت له أي مباراة
عموماً هذي كلها تأليف فيها ماهو صحيح أو قريب للصحه وفي منها أكيد تلفيقات صحفيه حتى يتكسبون منها مادياً ، الحديث عن المركاتو تو الناس عليه ومن وجهة نظري لاتسيو يحتاج للاعبين أثنين لكن ما يقدر يتعاقد إلا إذا باع واللاعبين هم مهاجم وظهير أيسر
الله يعطيك العافيه ياعواد وماقصرت وعساك على القوة
ملاحظه : أغلب الأخبار كنت أشوفها وما أترجمها لأن الحديث عن السوق تو الناس عليه + أغلبها إشاعات 