الله يعطيك الف عافيه يا ناصر على التقديم .. دايماً مع الأحداث أول بأول ما شاء الله عليك
البعض يشوفها مباراة سهله والبعض يشوفها مباراة صعبه على الأثنين
لاتسيو ممكن يلعب بطموح جيد بعد تخطيه عقبتين مهمتين من غير خساره وكانت أمام الفيولا وميلان .. لكن كييفو أيضاً فريق مجتهد وفاز بالجولة الماضيه على نابولي ثاني ترتيب الدوري الإيطالي
من ناحية إمكانيات اللاعبين فلاتسيو عنده أمكانيات خصوصاً بعد عودة زاراتي وأحتمال وجود ماتوزاليم بالتشكيله وهذا راح يعطي ريّا خيارات عديده .. كييفو بصراحه عنده لاعبين عاديين لكنهم مجتهدين لدرجه التألق وخصوصاً بيليسيه الي راح يشكل خطر كبير على لاتسيو خصوصاً وأنه دائم التسجيل في مرمانا
مباراة أتوقع راح تكون صعبه لأن كييفو أكيد بيلعب بسلاح الدفاع واللعب على المرتدات + الكرات العاليه الي يمتاز فيها وهذا راح يشكل خطر علينا
بالنسبة للاتسيو فما في أي وقت يضيعون فيه نقاط خصوصاً راح يمر بالوقت الحالي بمرحلة المباريات السهله نوعاً ما ولازم يستغلها على أفضل شكل ممكن لأن مبارياتنا الصعبه راح تكون في نهاية الدوري وبحزتها يكون التدارك أمر صعب
إن شاء الله مايخذلنا لاعبينا في هالمباراة ويحققون النقاط الثلاث وأتمنى تشكل عودة زاراتي نقطة قوة ويكون متحمس للعب بعد غياب دام مباراتين
الله يعطيك العافيه مره ثانيه