الفريق اليوناني قوي على أرضه بسبب حماس جماهيره لأنهم متعصبين مثل جماهيرنا
لكن مثل ما قال عواد .. النادي يمر بمشاكل على المستوى المالي والأداء وأكبر دليل جماهيرهم ما قاعد تحضر المباريات بالرغم أن ملعبهم كبير ويشيل تقريباً 65 أو 70 ألف متفرج .. ومبارياتهم ضد توتنهام كان الملعب شبه فاضي
بهالموسم والموسم الي قبله قامت الإدارة في بيع أغلب لاعبينهم المميزين والي كان من ضمنهم سيسيه بسبب الديون وهالشي ولهذا السبب النادي ما عمل تعاقدات كبيره
الفريق اليوناني مهما كانت ظروفه أكيد ماراح يتفرج علينا بهالمباراة وراح يلعب من قلبه حتى يرجع للمنافسه بهالمجموعه
كل ما اعرفه أن مدربهم السيد فيريرا الي درب بورتو وحقق معاهم عدة ألقاب وبعدها درب مالقا الإسباني يعني عنده خبره طويله بالملاعب الأوروبيه وممكن يكون مصدر خطورة علينا
أما بخصوص لاعبينا .. فبعد التشكيلة الأحتياطيه الي راح يلعب فيها بيتكوفيش فأكيد أنه ماراح يستمر على نفس خطته وهي 4-1-4-1 لأن اللاعبين المتواجدين بالتشكيلة مختلفه خصائصهم عن هذي الخطة
وحسب الأخبار أن في إمكانية لإشراك مهاجمين وأنا مع هالشي لأن المهاجم الوحيد الي يقدر يلعب راس حربه بفريقنا هو كلوزه أما الباقي مع الأسف مايقدرون
وجود زاراتي بهذي المباراة ضروري لأن هو اللاعب الوحيد الي ممكن نعتمد عليه أنه ممكن يعطي حلول خصوصاً وأن هيرناينس وكاندريفا وكلوزه الثلاثي الخطير غير موجود وبهالحاله ماراح يكون فريقنا خطر
وأنا متأكد بأن ماورو إذا لعب مع زاراتي ممكن يساهم بشي لأنهم فاهمين على بعض من زمان
اتمنى يكون الفريق جاهز بدنياً وذهنياً ومعنوياً قبل هالمباراة ومايفكرون بأي مباراة ثانيه .. وأتمنى من المدرب ما يلعب بأسلوب التقفيل واللعب على المرتدات لأن هالشي هذا يصغير ويقلل من إمكانيات الفريق بتحقيق الفوز
أما بخصوص قناة الحقيره 
أمس بالأخبار يقولون أن لاتسيو راح يلعب مباراة قوية قدام باناثينايكوس وراح تكون مباراة عليها الأنظار .. طيب دام عليها الأنظار ليش مو ناقلينها
والله هالقناة مادري شلون تفكر .. إذا يكرهون لاتسيو قولوا هالشي وفكونا ،، ليش هالتعنت هذا مع جماهير لاتسيو .. الفرق الفاشله قاعدين تنقلون مبارياتها ولاتسيو لا !!
الله يعينا على الروابط وحسبي الله ونعم الوكيل فيهم
الله يعطيك العافيه يالغالي وماقصرت على التقديم