قواك الله يا فهد موضوع رائع و طرح جميل جداً
و الحمدلله على الفوز و التأهل اللي بكل تأكيد بـ يكون دفعة معنوية للفريق
وايضاً للادارة للدخول بـ ميركاتو جيد لأن اللعب بالبطولة الاوروبية هي ورقة رابحه في المفاوضات
بالنسبة لي في ميركاتو اساسي و في ميركاتو ثانوي
الاساسي هي صفقتين لـ خط الوسط .. لاعب هجومي + صانع العاب
فريقنا يعاني في خط الوسط و الاصابات عفست الفريق
بروكي و ماتو ممكن يتعرضون لـ اصابات في المستقبل .. و ماوري عودته في شهر 3
لذلك لازم لازم صفقتين لـ خط الوسط .. صانع العاب بديل لـ ماوري
و لاعب وسط هجومي سواء كان محور في خطة 4-3-1-2 او جناح هجومي في خطة 4-2-3-1
و لو لوتيتو و تاري بـ يكونون كريمين اكثر و يجيبون ثلاث لاعبين للوسط ( صانع + محور + جناح ) فـ امونا بـ تكون تمام التمام ^_^
بالنسبة للاسماء عديدة و كثيرة و لا تحصى و الاسماء اللي ارتبطت فينا لا بأس فيها
و شخصياً هاذي الاسماء اللي اشوف ممكن تفيد الفريق و اسعارها تقريباً بالمتناول
صانع اللعب : ايديرسون - كرانيكار - ديامانتي
هذول الثلاث ما اعتقد سعرهم عالي و قادرين نخطفهم
اضافة الى انهم يلعبون بـ كذا مركز و هالشي بـ يفيد الفريق تكتيكياً
قادرين يكونون صانعين لعب كـ محاور و قادرين يكونون صانعين لعب خلف المهاجمين و قادرين يكونون صانعين لعب على الاجنحـه مثل ماوري
و ما ننسى انهم يمتلكون سرعة جيده و هالشي ينقص خط وسطنا البطيء
الجناح الهجومي : مالودا - نيني
كان ودي اقول بودولسكي معاهم لكن اعتقد مع المزاد اللي صاير عليه صعب جداً نخطفه اللا اذا وافق كولون على الاعارة مع خيار الشراء
مالودا جناح قوي و يمتلك سرعه و لياقة بدنيـة و يسجل اهداف و يصنع ايضاً
مواصفات مميزة لـ لاعب جناح .. و حالياً له مشاكل مع تشيلسي بسبب ان يلعب كـ محور و احيان ما يلعب نهائي
نيني البرازيلي من أروع اللاعبين كـ جناح و يمكن افضله على مالودا .. لاعب قوي و صانع لعب و هداف و فاولاته نار
و ادارة باريس سان جيرمان و الضغط الاعلامي العربي ( من الجزيرة طبعاً ) يتكلمون دايم عن المدرب و ليه يفضل نيني على مينيز و باستوري .. و الادارة القطرية راح تسوي مثل ما سوى مانشستر سيتي و هي تصفية اللاعبين القدامى كلهم و تشكيل فريق من جد و جديد .. و هاذي فرصة اننا نخطفه
المحور : اسماء واجد ^_^
المحور فريقنا بحاجة لاعب صاحب لياقة بدنيـة كبيرة قادر على الارتداد الدفاعي و الهجومي بشكل ممتاز
و افضل ان نلتفت الى السوق الفرنسيـه المميزيـن في هذا المركز .. الدوري الفرنسي سريع جداً خاصة بـ تواجد اللاعبين السمـر اصحاب اللياقة و السرعة الكبيرة اللي قادرين يساندون دفاعياً بشكل ممتاز و قادرين ينقلون الهجمة و يرتدون بشكل هجومي بشكل ممتاز ايضاً
و ايضاً من اللاعبين اللي ممكن يفيدون الفريق و اسمه قد يكون متاح هو مونتاري لاعب الانتـر
بـ يكون مفيـد لنا لأنه يمتلك مثل الصفات اللي ذكرتها فـوق .. حالياً مع الانتـر مهمش تقريباً ومع ايام مورينهو كان يعتبر ركيزة اساسيه في تكتيك مورينهو حتى و هو على دكـة البدلاء
هاذي هي الصفقات اللي اتمناها او اتمنى لاعبين بـ مثل هاذي المستويات للميركاتو الاساسي
اما الميركاتو الثانوي فـ هذا بـ كيف الادارة يبون يجيبون اوليتش و اللا مهاجم غيره .. او يبون يضيفون ظهير او مدافع كيفهم
لكن لازم الاولويـة تكون للميركاتو الرئيسي و هي سد حالات النقص بالفريق .. و النقص الموجود عندنا هو خط الوسط
و قواك الله يا فهد على هالطرح