أختلف مع الجميع مادري أحس أني شفت مباراة ثانية !!
مشكلتنا إذا كرهنا لاعب حتى لو قدم أداء حلو ننتقده !!
يعني أحد الأخوة قال روسي غبي وفاشل بس تبديلاته صحيحه وبوقتها !!
شوي منطقية على الأقل يعني استغرب انكم تقولون لاتسيو سئ اليوم !!
قولوا لي وش سوى باليرمو أصلاً نص الملعب لحد الهدف تقريباً لكن ماصنعنا شئ !!
لأن ماعندنا صانع ألعاب مغني اللي انا انتقده بكل مباراة هالموسم والله
أنه أفضل لاعب بالمباراة سيلفيستري سئ جداً وتغييره صحيح كان شارع وهجمات
باليرمو كلها من اليمين فوجيا قدم مباراة متفاوته لكنه مجملاً سئ !!
بانديف اليوم تحرك حلو وكان له فاول إذا كان الدفع خارج وبلنتي إذا
من داخل لانها ماوضحت دابو اعاد التوازن لخط الوسط لكنه جعلنا ندافع !!
ليديسما اليوم ممتاز في كل شئ هجمة الهدف منه وبصاته سليمة مو زي العادة
دوره الدفاعي مايحتاج لأنه بكل مباراة ثابت ماعدا كذا مباراة كان غائب
دياكيتي وحش وكريباري زين لكنه مفهي ويخربط كثير بالكورة لكن كتغطيه نوعاًما
جيد ليشتر ماهو مستواه صراحة والله يستر من إصابته باقي لاعبين !!
روكي وزاراتي زاراتي الأسوأ بدون منازع ورافع خشته !!
روكي يثبت أنه الرقم الصعب للاتسيو آخر خمس سنوات !!
مهما يقال عنه يرجع ويقول حاضر وناس تشتم فيه وتقول انتهى وبيعه
ومادري ايش يجي روكي بكل بساطة ويرد علينا على الطريقة الروكيه !!
لاتسيو بدون روكي حالياً كالزاد بلا ملح !!
أحلى شئ أثبته اليوم مو بس الهدف أن مكانه غلط ومايصلح بجانب زاراتي
في خطة روسي يجب أن يكون زاراتي خلفه قلناها من قبل روكي يحب الإنطلاق
من الخلف والسرعة ماهو مهاجم صندوق وهذا أثبته اليوم !!
أثبت لي زاراتي أنه سبب المشاكل وأنه طفل بالرغم من إعترافي أنه لاعب سوبر
ولازم نشتريه وهو ممتاز لكنه كمعاملة بزر ويبغاله ينضج وروسي يكلمه عن الأنانية !!