[الكبيتانو روكي]

المشاركة الأصلية كتبت بواسطة the game

استغرب من ردود بعض الاخوان بخصوص الميركاتو !!!
ما ادري وش دخل المباراة بالميركاتـو

التعثر سواء بالتعادل او الخسارة كان واضح وضوح الشمس مع نهاية الشوط الاول

كييفو يلعب بشكل دفاعي و متراجع كثير .. 5 دفاع و 3 محاور دفاعيه .. يعني نلعب ضد 8 مدافعين
و بالمقابل فريقنا ما قاعد يلعب بـ مهاجم و دفاع كييفو مرتاح على الآخر

فلوكاري يحوس برا منطقة الجزاء .. و لازلت اقول ان فلوكاري ما هو مهاجم في نظري
اعتبره كـ صانع لعب او كـ جناح اكثر من كونه مهاجم

كاندريفا و لوليتش يجنحون و يرفعون و الوحيد اللي يدخل بالعمق هو بروكي !! فلوكاري طبعاً برا منطقة الجزاء


مع نهاية الشوط الاول كان واضح ان المباراة محتاجـه لـ كوزاك
كوزاك ان شاء الله يكون مزهريه ولا يسوي اي شيء و لا يلمس الكرة طول 45 دقيقة

لكن وجوده راح يكون مؤثر جداً جداً لأنه بـ يدق وتد داخل منطقة الجزاء و بـ يسبب ازعاج لـ دفاعات كييفو

كاندريفا يحاول يشوت اكثر من مرة و ينزل للعمق عشان يشوت و اللي يسكر عليه احد قلوب دفاع كييفو
و هذا دليل انهم مرتاحين على الآخر لأن ما في اي مهاجم قاعد يزعجهم

و الصدمـه بالشوط الثاني بيتكوفيتش ينزل ماوري و ينزل هيرنانيس !!
يعني الاساسيين بـ يسوون شي !!

مدرب الهند بالسبعينات اللي فريقه كان يلعبون حفّاي بـ يدري ان المباراة محتاجه لـ رأس حربه صريح

ديليو روسي الدلخ فهم بالسابق و نزل انزاغي قدام الاندية اللي تدافع و انزاغي حلحل هالدفاعات و سجل و في مباراة ثانية ساهم بـ تسجيل فوجيا .. و غيره و غيره و الامثلة كثيرة

للأسف الخسارة يتحملها بيتكوفيتش .. ينزلي كوزاك آخر ربع ساعة !!!!!
و كوريوني على طول سحب بالوسكي و نزل لاعب وسط عشان يقفل المباراة اكثر

بيتكوفيتش ما سوى شي بهالمباراة للأسف ولا قراها صح
لعبنا 4-5-1 .. و التبديلات قبل كوزاك وسط مكان وسط .. وسط مكان وسط
والتشكيلة على حالها 4-5-1 !!

هاردلك للأسف

صحت يمينك ياعواد كفيت ووفيت
معك 100%