يعطيك العافيه على هل تقديم المميز
مباراة نهائيا ماتقبل القسمه على 2
نسورنا يدخلون المباراة وعندهم 3 فرص للتأهل اما التعادل او افوز او الخساره 3-2
المباراة هذي اهم شي فيها بيكون روح الفريق ولاعبين مثل روكي و زاراتي بإمكانهم تخليص المباراة وخصوصا روكي الي يدل مرمى بوفون
طبعا بالنسبه للتشكيله مستحيل نشوف فيها اسامي جديده الا في حال الاصابات
مبدئيا موسوليرا في حراسة المرمى , الدفاع متكون من كولاروف الي فعلا يثبت يوم بعد يوم انه خليفة ميهايلوفيتش و سي سيد الجهة اليسرى ,روزينال وسيفيليا بالوسط ,طبعا هني ممكن تكون مشكله بالنسبه لروسي بالجهه اليمنى, عنده لورينزو الي لعب مباراة من افضل مبارياته ضد جنوى وعنده ليشتاينر الي اذا لعب بالوسط ممكن نشوف لورينزو اساسي.
وسطنا اكيد بيتكون من ليديزما و ماتوزاليم بس الاخير مادري اذا يقدر يلعب بالكأس او لا!!
الهجوم ضروري يتكون من ماوريتو روكي فوجيا على شان نفكر ان نطلع من تورينو ابكم هدف * 1 _ لو كان بقاء المدرب روسي يعتمد على الفوز بهذه البطولة فما هو موقفك ؟ روسي مشكلته ان دايما ينفذ بجلده من اللحظات الحرجه,عمري ماتمنيت خسارة فريقي,المفروض روسي اذا بيطلع مرفوع الررأس يفوز بالكأس ويحاول حتى الرمق الاخير مع دوري الابطال, هني كلنا بنقول برافو روسي وشكرا على كل شيء
2 _ هل تعتقد بان الفريق قادر على التأهل للإتحاد الأوروبي حتى ولو خرج من الكأس ؟ ما اعتبر روحي متفائل زياده عن اللزوم ولا شي, بس اطمح بدوري الابطال لا كأس الاتحاد,لونحسبها عدل بنشوف ان فرق 10 نقاط وجميع الفرق الي تنافس على هل مركز عندها مباريات ناريه,صحيح بنلعب ضد اليوفي و الانتر بس لو نحسبها عدل بنشوف الانتر لو فازوا المباراة القادمه عادي يلعبون ضدنا بالصف الثالث حتى , ومباراتنا ضد اليوفي بتكون وداعيه الموسم ومايلعبون تحت ضغوط,عموما تفائلوا بالخير تجدوه . 3 _ برأيك ماهي نقاط ضعف اليوفنتوس ؟ صراحه ماشوف عندهم نقطة ضعف ,بس يبيلهم كم لاعب بالدفاع وبالوسط وبعدها نقدر نسميهم الفريق المتكامل ,بس اتوقع لو فريقنا يلعب على المرتدات ممكن يطلع بنتيجه قاسيه ضدهم
4 _ ما الفرق بين روسي و رانييري وماهي أفضل محاسن الإثنين برأيك ؟ السؤال هذا المفروض يكون ماوجه الشبه بين رانيري وروسي,وجه الشبه ان اثنينهم يعتبرون مدربين لبناء الفرق عكس مانشيني و مورينهو وانشلوتي الي يعتبرون مدربين بطولات