قواك الله اخوي عدنان على التقديـم
نادي جنـوى تطور قليلاً مع بالارديني
وممكن الموسم الجاي مع الانتقالات اللي يبيها بالارديني بـ يتحسنون اكثر
اما الحيـن فـ موسمهم انتهى لأنهم في منتصف الترتيب
فوزهم او خسارتهم لا تقدم و لا تأخر بالنسبـه لهـم
خطورة جنوى الاطراف و قلبي الهجوم
بالاضافة الى تكتيكات بالارديني اللي يبيعها مرات
مثل مبارتهم ضد روما اللي اقالوا رانييري عشانها
بالنسبة لنـا فـ الفوز مطلب ضروري
الهدف الحين بغض النظر عن اي شيء آخر
ان ننهي الموسم بـ 66 نقطـة و نشوف عاد حزتها وين بـ نكون بالترتيب
اهم شي لاعبينا يلعبون من قلب و ما يصيرون اغبياء و ينطردون !!
بخصوص المنافسين اودونيزي و رومـا
متفائل قليلاً بـ تعثرهم
اودونيزي لما يلعب تحت الضغط يجيب العيـد و يتعثـر
اما الميـردا فـ الوضع الداخلي للفريق رايح فيها
اعلان رحيل ميكسس الى الميـلان
بورييلو ما راح يشترونـه
دي روسي احتمال يبيعونه للريال بـ صفقة كبيرة بالاضافة لـ قدوم غاغو لـ روما
خوان اعلنها انه وده يرجع للدوري البرازيلي
مينيز متهاوش مع الجماهير و راح يطلع للدوري الاتجليزي
فوزينتش راح يبيعونـه
و فوق هذا كله مونتيلا مدرب مبتدئ و مو قادر يتحمل الضغوط
وآخرها متصافق مع مينيز بالتدريب
دام الامل موجود ان شاء الله نكون حنا بالابطال
لكن اهم شي ان الفريق يوصل للنقطة رقم 66
و قواك الله مرة ثانيـة اخوي عدنان