هاردلك على الخسارة
للأسف التحكيم خرطي من قلب
حتى هدف ليايتش قد يكون تسلل لأن يوفيتش واقف قدام بيتزاري و مانع الرؤية عليه
قرارات تحكيمية كثيرة مثيرة للجدل لكن هذا جزء من كرة القدم و ماني متكلم و متشعب فيه
كلامي و تحليلي عن المباراة هو لـ بيتكوفيتش و افكاره
ثلاث لاعبين مشكوك في جاهزيتهم و يعانون من اصابات طفيفة
و هم كلوزه و ماوري و لوليتش .. و شفنا ماوري تحديداً يلعب على الواقف فقط
و كلوزه مختفي تماماً في الشوط الاول .. و لوليتش هو الوحيد اللي كان جاهز
يحسب لـ بيتكو كلامه للاعبين اللي اختلف اداءهم بشكل كبير بالشوط الثاني
لكن الكلام وحده و الانتظار و الترقب ما يجيب نتيجة لازم يتم ضخ دماء جديدة للفريق
لأن الكل متفق ان اللاعبين هلكوا بسبب كثرة المباريات اضافة الى الجو الماطر اللي لعبوا فيه
في تبديلات كان المفروض تتم في وقت مبكر جداً
و مع قراءة تبديلات مونتيلا اللي واضح انه بـ يدافع و يلعب على المرتدات لازم يقابلها خطوات هجومية من قبلنا مع اغلاق المساحات بالخلف عن المرتدات .. نفس لعبة الشطرنج يعني
لكن بيتكو ما يحب يبدل كثير و ينتظر لين آخر الوقت و يبدل
و حالياً خسرنا لاعبين اساسيين في الوسط
الحين عندنا تورينو بأرضنا و بعدها كاتانيا بأرضهم و بعدها باناثينايكوس بأرضنا و بعدها الديربي و بعدها اليوفي و بعدها توتنهام و بعدها اودونيزي
جدول صعب صعب صعب جداً
تورينو يلعبون على المرتدات و اسلوب فينتورا معروف كأنه 4-2-4 مو 4-4-2
نجح فيه مع نادي باري و نجح فيه قدامنا بالوديـه
كاتانيا من يوم يومه فريق بدني غثيث و ينشب لكل الاندية الكبار
اليونانيين شفناهم و عرفنا اداءهم .. و بعدها الديربي و زيمان ابو 4-3-3
ضغط كبير بالمباريات و بيتكو الى الآن ما يبي يعمل مداورة
و مع هالضغط بصراحة صعب الآن تعمل مداورة خاصة مع اقتراب الديربي و مباراة اليوفي
لأن اي نتائج سيئة ممكن تنعكس سلباً على الفريق
فـ للأسف حالياً اشوف ان الوضع صعب و متخوف كثير من المباريات القادمة
عودة ايديرسون قد تحل مشاكل كثيرة من ناحية الوسط الهجومي
او ان بيتكو يغير خطتـه و يقلل من لاعبي الوسط عشان يسهل ان تتم اراحتهم
لأننا حالياً نمتلك لاعبين دفاع كثر و لاعبين هجوم كثر .. و بدلاء الوسط عندنا فقط بروكي و كانا و اونازي و كلهم تقريباً ذوي نزعه دفاعيـه اكثر منها نزعه هجوميـة
فـ اللعب بـ 4-3-3 او 3-4-3 قد تكون حل مؤقت لـ اراحة لاعبي الوسط الخمس اللي هلكوا تماماً
ممكن نلعب في هالخطة البديلة بـ الاحتياطيين قدام تورينو و قدام باناثينايكوس و من خلال هالشيء يتم اراحـة اللاعبين الاساسيين لـ فترة اسبوع كافية لـ استعادة نشاطهم .. اسبوع من مباراة الفيولا الى مباراة كاتانيا و اسبوع من مباراة كاتانيا الى مباراة الديربي و نرجع الى خطتنا المعتادة مع الاساسيين بـ 4-1-4-1
قدام تورينو يوم الاربعاء ممكن نلعب 4-3-3 صريحه ممكن تتحول الى 3-4-3 بعودة كانا للدفاع و صعود الاطراف للاجنحـه و بـ اسلوب المرتدات و الكرات الطويلة مع تواجد مهاجمين سريعين اعتقد قادرين ناكل تورينـو
بيتزاري
كافاندا .. رادو .. سياني .. سكالوني
اونازي .. كانا .. بروكي
زاراتي .. روكي .. فلوكاري
بهالخطة كل الاساسيين يرتاحون لـ لقاء كاتانيا الغثيث الاسبوع الجاي
و قدام باناثينايكوس نعمل نفس الاسلوب و نفس الخطة بـ استثناء ان بروكي و روكي ما راح يكونون موجودين لأنهم مو مسجلين بالقائمة الاوروبية .. كوزاك يمسك مكان روكي و ايديرسون قد يكون عائد و يمسك مكان بروكي و نريح الاساسيين في البطولة الاوروبية من اجل لقاء الديربي
لازم بيتكو يضحي شوي لأن استمرارية اللعب بـ نفس الاسلوب و نفس الاسماء تسبب اجهاد كبير و ممكن اصابات و غيابات و بدال لا نخسر مباراة ضحينا فيها نخسر مباريات عديدة بسبب الضغط و الارهاق