الفايز في هذي المباراة راح تفتح له أفاق كثيره في هذا الموسم
في حال فاز لاتسيو بهذا الديربي راح يضرب أكثر من عصفور بحجر واحد .. أولها أنه يتسيد العاصمه وثانياً الفوز بالديربي راح يعطي لاعبينا روح معنويه كبييييييييره بالرغم من كثرة الإصابات
ثالثاً لاتسيو يبتعد عن ميلان المتصدر بفارق ست نقاط وعن اليوفي خمس نقاط وأكيد المنافسه على اللقب صعبه لكنها مو مستحيله .. لكن المقصد من كلامي بهالمنافسه أننا نلعب على المركز الثاني وفي حال أخفقنا يكون مصيرنا المركز الثالث ونبعد أودينيزي من هالمركز
للأسف شي مخيب أننا مافزنا على روما طول هذي الفترة بأرضهم .. وعلى لاعبينا أنهم مايخافون من روما لأنهم خسروا بالذهاب ويبون يردون الثار ..
بالعكس اصلاً أحنا الي نطلب روما بالثار لأنهم خلال موسمين فازوا علينا 5 ديربيات وفوزنا بالديربي الأخير مايعني أننا تفوقنا عليهم ولازم نخسرهم بأرضهم
بالنسبة للمباراة فأكيد روما راح يلعب بكل قوته لأن المباراة بملعبه وجماهيره كثيره وروح الفريق أكيد بتزيد .. لكن أتمنى من الفريق يلعب الشوط الأول بأسلوب هجومي نكسب من خلاله هدف ولا هدفين وبالشوط الثاني نركز عالدفاع والمرتدات
روما صحيح أنه فريق شاب لكن هالمباراة تبقى ديربي وراح تكون عندهم روح عاليه
أتمنى من اللاعبين أنهم ما يخافون مثل الديربيات الي طافت ويرتبكون .. حتى في ديربي الذهاب بالشوط الأول كنا مرتبكين بشكل كبير لكن بالشوط الثاني تحسن الفريق
بعيداً عن التعصب .. فالديربي مباراة حاله كحال أي مباراة ولا يكبرون لاعبينا الموضووع حتى لا يخافون بأرض الملعب
أتمنى تجنب الأهداف المبكره في مرمانا لأن إذا دخل مرمانا هدف مبكر أعتقد بتكون خسارتنا كبيره
الله يستر من دفاااااااااعنا بهالمباراة .. وللأسف راح نفتقد لوليتش
الله يعطيك الف عافيه ياعمر وعساك عالقوة ماقصرت 