بصراحه المباراة هي المفصل الحقيقي للتأهل لدوري الأبطال
فوزنا على نابولي راح يوقفهم + المباراة الي بعدها قدام اليوفي وبصراحه ما أتوقع أننا راح نفوز على اليوفي وأكيد الفوز من نصيبهم لأن المباراة في ملعبهم
فأفضل حل هو أننا نوقف نابولي الحين حتى نتحاشى المشاكل في حال تساوينا بالنقاط والمواجهات هي الي تحدد من يتأهل
نابولي وضعه مشابه لوضعنا لكنهم أفضل مننا من ناحية المستوى واللاعبين يعني المباراة راح تكون قوية وناريه وصعب أنك تتوقع منو يفوز
من حظ نابولي الكبير أن ميرو كلوزه مالعب بالذهاب ولا بالإياب بسبب الإصابه 
وجود كلوزه في مثل هذا النوع من المباريات ضروري ومهم خصوصاً انه يحب هذا النوع من التحديات
قوة نابولي في هجومه السريع فقط أما الدفاع فهو ولا شي .. وقاعدين يستغلون قوتهم الهجوميه من خلال الضغط على الخصم حتى يخففون من الهجمات عليهم لأنهم يعلمون أن دفاعهم ضعيف
الكل يعرف أن مصيرنا بأيدنا .. والنقاط التسع السهله الي ضيعناها قلبتنا فووووق تحت ولو فايزين بخمس نقاط منها كان أحنا مرتاحين شوي
أتمنى هالمره يتغير أسلوب لعبنا الخايس والبطيء + اتمنى تكثير التسديد من خارج المنطقة حتى نفك التكتل الدفاع
والله صرت أخاف من دفاعنا بشكل مو طبيعي وحتى من ماركيتي الي تراجع مستواه بشكل مخيف
اللاعبين والمدرب عارفين شنو أهمية المباراة فلازم مايحسمونها وما أعتقد أنهم يحتاجون أحد ينصحهم عنها
الله يعطيك الف عافيه على التقديم المميز 