[أحمد التتان]

السلام عليكم


أمنيتي وحلمي ان روسي يلعب في كولاروف وسط ايسر !
الغريبه ان روسي فطن ان كولاروف سيء دفاعيا ووجوده يعني الدفاع ناقص وبيضطر قلب الدفاع يغطي ويغطي وفي الأخير بينكشف مرمى الفريق !
طيب ليه ما تجربه في خانه ثانيه ؟
إنت جربت مانفيرديني في كل المراكز ولا نجح جرب كولاروف !
جربت السويسري جناح وظهير وجرب لورينزو جناح وظهير، طيب جرب هذا المدفعجي !
كولاروف ممتاز في التمريرات بصوره رهيبة وضد اتلانتا كان يوزع كرات عرضيه من خط الوسط توصل بالملي !
طيب إستفيد يا كوتش !

أنا شخصيا مرتاح نفسيا ان روسي بدأ يوجد نفسه من الجديد وهذا لصالحنا، ولكن التصريحات الي بدأت تطلع من لازيو بخصوص الإسكوديتو هذي أشوفها قويه حاليا وهذي ممكن تدمر الفريق الله لا يقوله !

ليتشي عنيد وفريق صلب ودائما عندهم لاعبين يمتيزون ! قبل ثلاثه مواسم لولا دي كانيو ماكنا اخذنا منهم نقطه على الأولميبكو والحين صار الوقت الي نلعب فيه بقوة ونثبت اننا فريق الأحلام هذا العام !

أتمنى التكتيك يكون 4-3-1-2 صرف لأن هذا التكتيك ينفع مع هذي الفرق على ملعبنا وبهذا الخصوم ما بيقدرون يتوقعون بشنو راح يلعب روسي هل بيبدأ بـ 4-3-1-2 أو 4-2-2-2 مثل لقاء الفيولا، أو بيبدأ 4-3-2-1 مثل لقاء تورينو و أتلانتا !

أتمنى نشوف ضد فرق الشمال تكتيك غير وضد هذي الفرق تكتيك ثاني نبي نحس بفريقنا انه فريق بطولات

وتسلم على التقديم الرووعه يالغالي