جنوى وباليرمو ما يصيرون رجال بملعبهم بالسنوات الأخيره إلا علينا !!! 
هذا الفريق قاهرني من سنتين مو قادرين نفوز عليه بالرغم أنهم من أفشل فرق الكالتشيو ومادري شلون يفوزون!!
الحارس فري قاهرني تدخل عليه أهداف حتى الجهال يشيلونها وإذا لعب قدام لاتسيو يصير أخطبوط
أتمنى نحرقهم حرررراق .. وبصراحه إذا ما فزنا عليهم مافينا خير ،، مباراة الذهاب لغاية الحين منغث منها ولازم نرد الصاع صاعين
1- دافيدي بالارديني vs بيتكوفيش " لمن الغلبة" ..؟
بالارديني ماعنده غير الدفاع والهجمات المرتده لكن عامل الأرض والجمهور ممكن يزيد من خطورة جنوى ويخليهم أكثر سيطره منا على المباراة .. وللأسف بيافا ودياس وهيرنانيس ماراح يلعبون فهذا يقلل من قوتنا فعلشان جذي على بيتكوفيتش أنه ما يغامر ويلعب على المضمون لأن جنوى فريق محظوظ قدامنا وإن شاء الله يكون الفوز من نصيبنا
2- ماهي نقاط القوة والضعف بالنسبة للفريقين ..؟
جنوى كله نقاط ضعف لكن للأسف ماعندنا الطريقه الصحيحه إلي نستغل فيها هذا الشي .. في مباراة الذهاب لعبنا عليهم لعب لكن الحظ وفري كانوا لنا بالمرصاد
وبالنسبة لفريقنا فأتمنى ما تكون مباراة اليوفي أرهقتهم وأتمنى مايكون رتم الفريق بطيء لأننا وللأسف صرنا مانعرف نفوز خارج أرضنا
3- ماهي النتيجة التي المتوقعة للقاء ..؟
الفوز في هذي المباراة يخلينا بالصدارة منافسين لليوفي ونابولي .. أما إذا خسرنا فنقول للمنافسه مع السلامه + خسارتنا راح تخلي الفرق الثانيه ( الإنتر والفيولا وحتى ميلان ) يقتربون منا بشكل كبير وحتى المركز الثالث نخسره
أتمنى ما يتهاون الفريق في هالمباراة ونحقق النقاط الثلاث