ريجـا ريجـا ريجـا ريجـا
والله مسكيـن هالشايب !!
ما خسرنا من بداية البطولة اللا مرتيـن
وآخر عشر مباريات خسرنا مرة وحده فقط
بالمركز الرابع حالياً و الجولة القادم اي كانت نتيجة اليوفي و اودونيزي فـ هي من صالحنا في حالة فوزنا على كييفو و بـ نتقدم اكثر بالترتيب بعـد
فريق فيه غيابات 9 لاعبيـن 4 او 5 هم من الاساسيين
ومع ذلك نقدم مستويات مميـزة
اذا ما نسمي اللي حصل مع اودونيزي حظ
اجل هي وحده من الثنتيـن يا اما دفاعنـا فاشل
يا اما هجومنا فاشل
يا نسمي دياكيتـه فاشل و غبي و نفس الحال مع دياس بسبب هفواتهم
و نسمي كلوزه فاشل و غبي ضيع علينا انفراد و نقول لو كان ماكينوا مكانه يسجلها
او نقول ان اودونيزي كان افضل و نقص على نفسنا ان فريقهم ما كان محظوظ !!
سؤال للي يتابع و يعرف اودونيزي عدل
احد شاف باستا بالمباراة ؟ احد شاف ايسلا ؟
الخطة و التكتيك المتبع قمعت هالاثنين و انتهت خطورتهم تماماً على جهتهم اليمنى
رادو لوليتش سكولي الثلاثي الايسر كانوا افضل و اقوى دفاعياً و هجومياً
المشكلة كانت في الشوط الاول في الثلاثي الايمن دياكيته كافاندا التاتا
دياكيتـه ما يعرف يمرر و يوهق ربعه بـ تمريرات مدري شلون قايلـه
كافاندا كان ممتاز هجومياً و سكر على اسامواه اللي ما قدر عليه ليديسما
لكنه دفاعياً ضعيف و التغطيه عنده سيئة
التاتا ما يصلح محور بس يطرف على اليمين و يلعب كـ جناح
و حتى دفاعياً امس كان رايح فيهـا
بـ نهاية الشوط الاول قلت بالنقل المباشر واحد من هالثلاث لازم يطلع
لأن الثغرة واضحه بالثلاثي هذا ولازم التضحيـة بـ واحد منهم
شخصياً كنت افضل خروج دياكيتـه و دخول ستانكي و قلت هالشي في قروب الواتس اب
ستانكي راكد وعنده ثقة بالاحتفاظ بالكرة و التمرير عكس دياكيتـه اللي يفتقد هالثقة
حتى دياس يعرف هالشي و ما يمرر لـ دياكيتـه اكثر من مرة يغير رايه و يلعبها لـ رادو
تبديل سكالوني مكان كافاندا كان منطقي جداً لإغلاق هالثغرة
بالشوط الثاني كنا الافضل و لكن اودونيزي اكتشفوا ثغرة ثانيـة و كبيـرة
وهي ليديسما .. من يستلم كرة دشوا عليه اثنين قطعوها بسهوله
و ليديسما بطيء فـ يطوفونه بسهوله و ما يقدر يلحقهم
حتى تبديل هيرنانيس مكان روكي كان تبديل منطقي
و البرازيلي من دخل بدع و قاعد يصنع كرات
اول لمسه له عطى ميرو انفراد لكن للأسف كلوزه ضيعها بشكل غريب
لو انه قاطها فوق الحارس كانت بـ تكون هدف لأن هاندانوفيتش طالع من مرماه يركض و جسمه لـ تحت
اصابة سكولي هي اللي عفست التبديل الاخيـر
ومع ذلك ريجا غامر و اشرك كوزاك للإعتماد على الكرات العاليـه
وبالمقابل غودولين طلع فلورو فلوريس و نزل دوميتزي و لعب بـ 4 دفاع لـ تكثيف خط الدفاع من الكرات العاليـه
اودونيزي شنصوا فرصتين هدفيـن و لعبوا اغلب وقت المباراة بشكل دفاعي تقريباً 8 اللي يدافعون
ارفع القبعه لـ ريجا بـ التكتيك اللي لعب فيها و حجم من خطورة اودونيزي و بالمقابل فريقنا ما كان يدافع بل العكس كان يلعب بشكل هجومي
و ارفع القبعة مرة ثانية له بـ اشراكه لـ كافاندا اللي الاغلبيه كانت تطالب فيه و انه لازم يعطيه فرصة و يعطي الشباب .. و هذا هو لعبـه لكن كافاندا كان سيء دفاعيـاً
اكثر شي قهرني بالمباراة هدفهم الاول .. دياس الكرة قريبه منه و ما حذف جسمـه على الكرة مع انها كانت قريبه له و قفزته ما كانت كاملـه .. لكن بعذره بو دماغ توه راجع من الاصابـة