[الجنرال]

اي فريق يبي ينافس لازم يكون عنده وسط قوي , لأن هو الأساس وهذا إلي يفقده هـ الموسم ..

مشكلة لاتسيو انه يملك وسط هش , كلهم تقريباً معرضون للأصابات بشكل كبير !!
مثل مغني و ماتوزاليم و فيرماني و ديل نيرو , و بدرجة اقل ماوري و دابو و فوجيا ..
و الحين حتى مانفرديني و بروكي يصابون !!

الإصابة قضاء و قدر , لكن فيه لاعبين معرضون لها بشكل اكبر , إما لأصابات مزمنة او لأن عضلاتهم
ضعيفة او لأنهم لاعبين مهاريين بدون خبرة مثل انه يستخدم مهارته في اوقات غير مناسبة ..

الفريق يحتاج لغربلة في هذا المركز حتى ممكن نشوف لاتسيو قوي و صعب هالشي في فترة بسيطة ..

وإذا تجاوزنا مشكلة الإصابات بنشوف المشاكل الفنية ..

دابو ما يقدر يعطي اكثر من شوط هذا الموسم !!
ماوري مستواه هابط جداً و عالة على الفريق !!
مانفرديني من قدومه للفريق و هو ما حقق إي اضافة تذكر !!
بروكي اشوفه لاعب عادي جداً و مستهلك جداً !!
ديل نيرو و فيرماني و ماتوزاليم , متى شفناهم هالموسم حتى نحكم عليهم !!
مغني من اللاعبين الي يحتاجون انه يلعب اكثر حتى تشوفه يقدم اكثر و إلي ينقصه انه يلعب عدد اكبر من
المباريات مع عدم تشتيته بالمراكز !! يعني خلال هالموسم شفناه لعب في كل مراكز الوسط !!
ليدسما اعتقد روسي ظلمه كثير بهالمركز اتوقع تغيير مركزه بيخلينا نشوف ليدسما افضل !! ..
فوجيا افضل لاعب وسط هذا الموسم و هو الوحيد إلي يقدم مستوى ثابت نوعاً ما !! ..

انا اتمنى خلال فترة الشتوية و الصيف الجاي , ان الفريق ما يبقى فيه إلا ليدسما و فوجيا و مغني بس ..
و ممكن ماتوزاليم إذا انحلت مشكلته مع الاصابات !! ..

و يتعاقد الفريق مع لاعبين عليهم الكلام , محـور ممتاز مثل ماسكيرانو ..
صانع ألعاب من طينه ريكلمي .. و جناح مع فوجيا .. و لاعب وسط مثل ماتوزاليم بس موب مصاب