السلام عليكم ،،، بصراحة ما قريت كل الردود ... فليعذرني القارئ لو حصل هناك تشابه في بعض النقاط. # في وضعنا الحالي قدامنا حلين من وجهة نظري عشان نرجع للمنافسة على مقعد تشامبيونز و أعتقد في وجود التشكلية الحالية ماهي صعبة لكن !! ... المهم ... الحل الأول تغيير ما يسمى بالمدرب ... بصراحة ما أشوف أي مبرر للتمسك فيه ... تعالوا نشوف سلبيات روسي ( و يا كثرها ) : 1- منذ إستلام روسي تدريب الفريق و لا يخفى على الجميع سوء النتايج مع أندية الشمال ... هزايم بنتايج كبيرة بملعبنا و خارجه .. صارت النتيجة محسومة قبل ما نلعب ... حتى أيام كازو و بابادبولو ما كنا كذا .. أذكر الإنتر تعادلنا معاه رايح جاي و الحين يسدحنا رايح جاي .. هزايم مشرفة مع ميلان و اليوفي ( ما تعدت فارق الهدف ). 2- محدودية الطموح ... البقاء ثم التفكير بالتأهل لكأس الإتحاد ! 3- مشاكله مع اللاعبيين ... إستغناءه عن فوجيا و المضحك إن فوجيا وقتها كان يستدعى للمنتخب ... خلافه مع ستينداردو و التضحيه فيه و الإبقاء على أسهل مدافع ينفر ( كريباري ). 4- تقييمه السئ للاعبيين ... السنة الماضية جبنا روزينال و ما لعبه ( مخليه إحتياط لسيفيليا و كريباري هههههه ) مع إن الجمهور كان يطالب بمشاركته و الحين ركيزه أساسيه مع إنه بآخر المباريات قام ما يلعبه شكله زعل عليه الدون ... ... الإستغناء عن مودنجاي لعيون بروكي و اللي أجزم إن موتارلي أفضل منه ... تهميشه هذا الموسم لدي سيلفستري .. و مثل ما ذكرنا سابقاً إعارته لفوجيا... و الإبقاء على بعض الأسماء المستهلكه ... كريباري ... بيليري ... ماكنوا . 5- إصراره على خطته الفاشله 4 - 3 - 3 ... ما تنفع بالكالشيو ... و ما تنفع و أنت ما عندك محاور زي العالم ... لاحظ الإنتر و هو أفضل فريق باالعالم .. أول الموسم أصر مورينهو على 4-3-3 و كان يفوز بصعوبة أو يتعادل .. غيرها إلى 4-4-2 و شوفوا نتايجه آخر المباريات .. لكن هذاك مورينهو ... و هذا الدون كنت أتمنى إن لوتيتو يستغل فترة التوقف و يقيله لكن أتوقع إنه بينتظر لنهاية الموسم و يمسكه الباب !! الحل الثاني ... شراء لاعبيين يغطون ضعف المدرب التكتيكي .. بصراحه .. لو كان عندنا مدرب صاحي ... ما نحتاج لأحد في الوقت الحالي إلا محور دفاعي يساعد ليدزما لأن دابو و بروكي سيئين جداً. ** تكفى يا لوتيتو سوها