بيتكوفتش جديد على الكورة الايطالية
فرديا وجماعيا نابولي اقوى
وفريق قوته في تقفيل اللعب والاعتماد على المرتدات
بيتكوفتش اعطى المباراة لنابولي ... لعب بالطريقة اللي يفضلها ماتزاري
اندفاع هجومي بدون خطورة والثمن دفاع مكشوف وينضرب بسهولة في المرتدات
ماركيتي في الشوط الاول سيئ ... وتحسن في الثاني ... الله يرحم هدوء بيروزي ... يقابل المهاجم ويصد الكورة واعصابه في الثلاجة ... ماركيتي لو تتسدد كورة صارخ على اللاعبين واذا فقد اعصابه فقد تركيزه
في الدفاع ... رغم ان سياني ماكان في المستوى لكن على الاقل شفناه يدافع ... دياز ماشفته ابد في الدفاع
كونكو مصيبة ... كاسر ظهر الفريق ... اذا هاجم مانستفيد من عرضياته واليوم كسر التسلل في الهدفين الاول والثالث
كافندا مكسبنا في الدفاع هذا الموسم ... تبديله وابقاء كونكو غلطة من بيتكوفتش
الوسط ... قبل مانسمع موال ليدسما اللي حفظناه ... ليدسما يقدم مبارايات كبيرة في هالفترة ... نعم اول مباراتين في الموسم تعبان لكن الآن من نجوم الفريق ... هيرنانيز حتى لو مايقدم مستوى يبقى افضل لاعب عندنا ... اعتقد الاثنين هذولا هم خط الوسط ... كاندريفا تعبان ... لولتش مجتهد لكن يلعب لحاله ... وماوري نقص في الفريق مثله مثل سكوللي وفوجيا لما يلعبوا ... ضروري ماتوزالم يرجع لأن الفريق يحتاجه ... غياب جونزالز مأثر على خط الوسط ... ايدرسون صاجينا فيه من سنوات وحتى الآن ماشفت منه لعبة ايجابية دفاع او هجوم ... عادي نصبر عليه بس هو يستاهل الراتب الكبير اللي يندفع فيه !!! مااعتقد
الهجوم ... كلوزه مثله مثل هيرنانز حتى لو ماظهر في مستواه يبقى افضل مهاجم عندنا ... زاراتي قدم مباراة طيبة قدام جنوا واستغرب بيتكوفتش ما اشركه ... نار زاراتي ولا جنة ماوري ... كوزاك افضل بكثير من فلوكاري ... يتمركز ويهدد ويقاتل على الكورة ... فلوكاري نازل مستواه كثير عن اول ماوصل للاتسيو
الفريق يبي له يكنس بعض اللاعبين وتعويضهم بأفضل منهم واولهم الاساسيين كونكو وماوري ولا اعتقد بيتكوفتش يبي يصبر عليهم
نتيجة مستحقة لنابولي وهاردلك على المستوى والنتيجة