الصراحه ..
في هذي المباره تمنيت اودوو .. على الاقل بشوت البلنتي بطريقه افضل من روكي المستعجل !! و الغائب عن مستواه ..
يا جماعه اذا كان بهرامي من خيره لاعبين لاتسيو و هذا مستواه و هذه عقليته في دوري الابطال ! شلون باقي الاعبين الاحتياط تفكيرهم ؟! الصراحه حركه غبيه جداً من بهرامي و طرد ماله اي داعي دام الفريق كان ضاغط و فعلا فعلا لاعب تنقصه الخبره لان بهذا المستوى و هذه العقليه الكرويه لا يستحق ان يلعب حتى في السيريا بي !!
موترلي صحيح سجل الهدف بس كان عندي احساس انه راح ينطرد .. لاعب عصبي جدا و كثير النرفزه و الله يعنيا في الاياب خسرنا اثنين هذا غير الاصابات !! ..
تلقينا ضربه موجعه جدا بأصابه الثلاثي ( ماوري - ستيندارادو - كريباري ) .. علشان يعرف لتيتو قيمه دوري الابطال بدون تعزيزات جيده !!!!
كولاروف و دي سلفستري ثنائي يستحقون ان يكونون اساسيان الصراحه عندهم انظباط و معنويه افضل من الكبار ! والهدف اتى من عرضيه دي سلفستري !!
================================================
هذا اللي كنا نتكلم عنه من زمان .. لاتسيو محتاج الى لاعبين يصنعون ( الفوارق ) و لديهم خبره مو مجرد لاعبين اسعارهم رمزيه و منتهيه عقودهم ( لو فيها خير ما عافها الطير يا لتيتو ) على الاقل لو 3 لاعبين من النوع الجيد نسبيا اكيد كان باالامكان افضل مما كان ! بس انا مو فاهم تفكير لتيتو شنو طموحه في الشامبيونز ليج و حتى في الدوري .. هذي ضربه قويه لك يا الرئيس وانا ما اتهجم عليه و لا على غيره بس هذا الواقع للناس اللي تدعي الواقعيه !! اي واقعيه هي في لاعبين مو قادرين يظبطون اعصابهم في الدةر الثالث ( تونا في الفاتحه ) من بطوله الابطال !!!!!
وين التعزيزات ؟ وين قلب الدفاع اللي بأمس الحاجه له ؟؟؟ وين صانع اللعب يا لتيتو ؟؟؟ و ين رأس الحربه الهداف الصريح اللي يخلص الكور العرضيه و الكور الثابته ( حتى المعلق الكويتي حس في الموضوع و لتيتو لا ) و وين و وين و وين !! حتى كاريزو الاداره كانت على علم بموضوع الجواز لماذا لم تستعجل المفاوضات على الاقل استفدنا منه من المعسكر الصيفي !!
اذا طلعنا من الشامبيونز ليج اي لاعب يبي يجي لنا بعدين غير نوعيه الاعبين المفضله عند لتيتو ؟؟؟ وانا ما ابي اتشاءم لكن الظاهر اننا خرجنا بنسبه 60% من دوري الابطال بعد هذا المستوى و اضاعه الفرص السهله كأنهم في مباره وديه مثل الاخ بانديف !!
والله فيني قهر الله يعلم فيه من 3 سنين و جماهير لاتسيو العربيه تنتظر هل البطوله و اخرتها ؟؟؟؟
خل لتيتو يجاوب وانا ابنتظر تصريحه بفارق الصبر عن المباره ..