قواك الله يا عيسى
تقديم روعـه و ما هو غريب منـك
ما شاء الله عليك ما خليت شيء ابد
مباراة تعتبر نهائي للامانـه لـ عدة اسباب
1- اولها الفوز يقربنا اكثر و يبعد اودونيزي اكثر
2- في نفس الجولة راح يلعب روما ضد نابولي
3 - الثأر للموسم الماضي بـ تعثرنا قدامهم بفارق هدف ( ركلة الجزاء الضائعة )
اودونيزي فقد خطورته الهجوميـة بـ غياب ايسلا
اللي هو مع دي ناتالي و ارميرو يمثلون الثلاثي في خطف المرتدات السريعة
لا تورغي الروماني و لا فلورو فلوريس و لا حتى البرازيلي باريتو قدروا يعوضون غياب ايسلا
لذلك اودونيزي فقد قوة كبيرة رغم انه لاعب واحد ( حنا 4 لاعبين اساسيين مصابين و نكافح )
عموماً حسب الاخبار ريجا راح يلعب بـ نفس طريقة اودونيزي بالضبط .. 3-6-1 او بـ معنى اصح 3-5-1-1
لكن حتى الآن الاسماء مجهولة بالنسبة للأساسيين
حسب الاخبار ان الثلاثي بالخلف هم دياس و بيافا و دياكيته
و بالهجوم روكي و خلفه ماوري
المشكلة تكمن في عناصر الوسـط .. و حسب التمارين ريجا جرب كذا توليفه بالوسط
سكالوني .. ماتوزاليم .. ليديسما .. التاتا .. كونكو
ماتوزاليم .. كانا .. ليديسما .. التاتا .. كونكو
التاتا .. ماتوزاليم .. ليديسما .. كانا .. كونكو
سكالوني .. ماتوزاليم .. ليديسما .. كانا .. التاتا
غاريدو .. ماتوزاليم .. ليديسما .. التاتا .. سكالوني
حسب الاخبار هاذي هي تقريباً التجارب اللي اشتغل عليها ريجا
شخصياً ماني خايف من توليفه الوسط لأنه شي مجبورين عليـه الاهم عندي في هالمباراة ما يلعب غاريدو لأنه في مثل هالمباريات ما يعرف يتعامل معهم و لنا معاه تجارب سابقه للأسف
اللي مخوفني هو توليفة الدفاع او تحديداً مراكزهم .. اتمنى بيافا يلعب على جهة اليسار
لأن بيافا راكد و يعرف متى يتقدم و متى يوقف
لأنه اذا دياس لعب يسار بـ يخربط ام الدعوة و يخرب على اللاعب اللي قدامه لأنه مطفوق و يتقدم كثير و يترك مركزه فاضي
1/ إذا كنت مكان ريجا فكيف ستدير الفريق في ظل الإصابات المؤثرة ، ، ؟؟
الله يكون في عون ريجا لأن الوضع صعب .. و مثل ما انت شايف الاخوان اللي سبقوني بالرد كل واحد يخترع خطة .. فـ ما بالك بـ ريجا و بهالاصابات
لكني اشوف فكرة ريجا ممتازة .. تكثيف الوسط هو خيار جيد لـ اغلاق المساحات على لاعبي اودونيزي .. لكن تبقى المشكلة بالشق الهجومي .. لازم لاعبين الوسط في الهجمات يزيدون اكثر مع ماوري و روكي
2/ روزي - الفارو - كوزاك - روكي ،، أي ثنائي سيكون الأنسب للهجوم ؟
حسب الاخبار ريجا راح يلعب بـ مهاجم صريح و خلفه مهاجم مساند ( روكي و ماوري )
لكن لي تعقيب بسيط حول المهاجمين الباقين.. كوزاك اشوفه مفيـد كـ مهاجم تكتيكي
يعني مهاجم يدخل كـ بديل .. يفيدك سواء كنت فايز او خسران
لكن بين الفارو و روزي .. حسب ما شفت من روزي اعتقد انه قادر على ان يقدم الاضافة اكثر من الفارو .. يعني قادر يأدي دور الفارو و يمكن اكثر
فـ اتمنى روزي ياخذ فرصة اكبر من الفارو
3/ هل اللعب بخطة متوازنة أفضل أم الإعتماد على الدفاع المحكم والهجمات المرتدة ؟؟
في هالظروف لازم نلعب بـ واقعية .. نسكر بالدفاع و بالهجمات يزيدون لاعبين الوسط شوي .. و لازم اللاعبين ما يوقفون ابد و لازم يجارون لاعبي اودونيزي السريعين
4/ نتيجة المباراة المتوقعة في ظل الظروف الصعبة ...
اتمنى نفوز و بالمقابل يتعادل الميردا و نابولي