السلام عليكم
والله يا أخوي سينيوري ... ودي أتفاءل ودي أقول ان الفريق بيصحى لكن !!!
ماكو أي دليل على إن فيه شي جاي في الطريق بنوب !!!
يعني بالله عليك ماكو بديل أروح أجوب مانفيريديني بالله عليك ! بابادبلو وكاسو ما أعتمدو عليه هذا جاي يعتمد عليه !
لو هم مخلينا لنا فلبيني على الأقل يضربو طول المباراة ويدخلو بقوة هذا ولا شيء ! ولا عامل لي فيها صانع أللعاب .. أقول وين عنك ريكلمي بس !!!
حرام الي قاعد يصير ... من باب العقل اذا كنت تعاني من صناعة اللعب والدخول من العمق تتحول إلى الأطراف !
يا أخي غير خطتك المركز الوحيد الي متوفرين لك فيه لاعبين هو خط الوسط ...
إللعب ٣-٥-٢ أو ٣-٥-١-١ على الأقل !
سكالوني - كريباري - ستينداردو هذا اذا سيفيليا مصاب ..
وأمامهم ... بارونيو - فيرماني - زاوري على الوسط .. وفي الجناحين - كولاروف .. وسيلفستري ..
او بهرامي - بارونيو - فيرماني ... زاوري سيلفستري ... عندك بدائل !!!!
والهجوم إعتمد على ماكينو بانديف .. يا أخي ماكينو تاري !
اللاعبين هذول ماهو آلات ما تريح حد فيهم !!!
والله على هذي الأمكانية لكن المدرب الذي يملك فن تكتيكي يقدر يولد توليفه جديدة !
أذكر لقائنا مع تشلسي أيام إيركسون .. بدأنا الهجوم سيموني إنزاغي وسالاس ... بعد ٢٠ او ٢٥ دقيقة إيركسون دخل بوكسج بدل سالاس !
ليش لأن المدرب يشوف دفاع تشلسي وقتها ديسايي وليبوف وين يقدر يشوف نفسه سالاس بينهم من الناحية الجسمانية !
بتقول لي البديل جاهز بقول لك خل نشوف المدرب يتحرك !
خل يغير بدل هالــ ٤-٤-٢ العقيمة بوجود مانفريديني ! ولا أعرف ليش ما يجربها بحد غيره ! اذا بيجربها لازم هالمزهرية متواجدة بالتشكيلة ! وين تقدر تنتج بوجوده !
قلت سابقا وأكرر وجوده في الملعب يلغي دور لاعبين على الأقل ! اذا كان على الشمال معناته هو صفر والظهير هم بعد ضايع معاه !
ولو تطور الفريق لعبنا ٤-٣-١-٢ وهم خلاص إنكشفت !
الله يستر روما السنة فريق البطولة والدوري .. ولا أعتقد ان التعادل نحلم فيه أصلا !!!!