ارجو التفاعل من الجميع .. لـ نقل لقاء كييفو على ابوظبي .. !!

[The EagLe]

طبـعا كثر الدق يفك اللحام .. لكـن هـل كثره الارسال يغير ابوظبي .. !!
طبعا لقاء لاتسيو وكييفو سيكون يوم الاحـد العصر وفكره نقل اللقاء من ابوظبي .. صعبه .. لكـن هي محاوله .. اتمنى من الجميع التفاعل .. وهي لـ الحق كانت فكره لـ احد الاعضاء في لقاء ريجينا .. صح انها سوت شغل وتم ذكر انه اتتهم العديد من الرسائل من جمهور لاتسيو لكن بدون نتيجه ..

الحين يجب ان يكون التفاعل اكثر واكثر لـ عل وعسى ان ينقلوها .. ؟

calcio_studio@emi.ae

.. اتمنى من الجميع التفاااااااااااااااااااااااااااااااااااااعل .. وارسال طلب نقل المباره على الايميل ..

[Fabio Liverani]

فكره رووعه اخوي The EagLe فعلا الى متى ما نشووف مباريات فريقنا ..

حتى لو ينقلونها اعاده انا راضي اهم شي انشووف الفريق ... اخ على اي ار تي تنقل 7 او 8 مباريات كل اسبوع بس حق الدوري الانقليزي .. بس شتقوول !!!!

[باتي 9]

اخوي مشكور

وانا طرشة لهم

وعاتبتهم عتاب

شديد وقلت لو الدوري

الايطالي حقوقه للجزيره سبورة

كان الجزيره افتحت اكثر من قناه فقط لارضاء جماهيرهاا

وفوق هذا مجاناً

[Amr-22]

يعطيك العافية أخوي The EagLe

أتمنى ان تنقل مباراة لازيو أمام كييفو .

وأرسلت لطلب نقل المباراة . ;)

[خالد]

فـي الحقيقـة أنا ناوي أرسـل لها رسالـة بخصوص النقل بشكـل عـام وأختمهـا بإسم الموقـع حتـى تـأخذ طابـع الرسميـة..لـكن ما أدري إذا كان المشـرفين على الموقع موافقيـن على الفكـرة - طبعـاً راح يقرؤون الرسالـة قبـل الإرسـال -

بخصوص الموضـوع أخوي The EagLe فصدق أو لا تصدق إن آخر مباراة نقلت لنا يوم الأحد العصر كانت بتاريخ 21/9/2003 ضد بارمـا.. يعني قبل أكثـر من سنـة - طبعـاً إذا اسـتثنينا مبـاراة الإنتـر في آخـر أربـع أسابيـع الموسـم الماضـي بحكـم إنها مباراة القمـة للجولـة - .


إن شـاء الله ينقـلون المباراة و لو إن الأمـل ضعيـف بوجود مباراة الإنتر وأودينيزي ومباراة كالياري وميلان بنفس التوقيـت ( كالعـادة الأولويـة لهـم )

[forza_lazio]

انا مع اخوي خالد ان نرسل لهم رساله باسم المنتدى ويهزئهم فيها لأن بصراحه صار لنا سنتين ما شفنا لاتسيو في العصر واعتقد ان هذا الكلام راح يؤثر فيهم

[احمد الزهراني]

تم وانا اخوك ... اضافة الى 7 ايميلات من 7 ايميلات مختلفه من اصدقائي الي مالهم بالكوره بعد :D

وخلنا نجرب هالمرة رغم ان النقل للمباراة بالعصر بيسبب لي مشاكل مع المدير لأني بأغيب غصب عني بس عاد وش نسوي هذا لازيو ..

بس بيني وبينكم اتمنى انها تكون مسجله احسن علشان ارجع من الشغل اشوفها على طول :D

[أبو جوري]

ان شاء ارسلها بعد قليل..
ولو أن نهاية المباراة ستكون مع وقت الافطار

[احمد الزهراني]

ولو أن نهاية المباراة ستكون مع وقت الافطار [/B]

[/QUOTE]

ياسلام عليك ياسام والله نسيت ان السبت رمضان ... لا اجل الحين اروح ارسل 7 ايميلات مره ثانيه لأني راح اشوفها .. مع اني اعتقد بأن الانتر والاودينيزي هي الي بتنقل

[The EagLe]

حـلو التفاعل ..

.. بالنسبـه لـ اخوي خـالد .. الفكره اللي طرحتها حـلوه .. يعني .. تكون رساله من الموقـع .. + رسائل الاعضاء نفسهم .. راح تسوي شغل اكييـد ..

.. اخوي احمـد .. يا رجـال اهم شي تنقل .. مباشر او غير مباشر .. اهم شي نشوف المباره كاااامله .. لكـن طبعا افضل لـو تكون مباشر :p

.. سام الملاعب .. يابن الحـلال .. فطور مـع شوفه المباره غير .. ;) وهي كـلها ساعتين الا ربع .. المباره تبـدأ 4 .. وتنتهي 5 و50 دقيقه بالكثـير .. طبـعا تختلف اوقات الاذان من مدينه لـ مدينه .. يعني عندنا .. الفطور راح يصادف بين الشوطين :D


.. واتمنى التفاعل من الجميع اكثر واكثر .. يعني اللي عنده اكثر من ايميل .. هذا وقتها ترى :D