تعالو نفضفض عن فريقنا .. وتوقعاتكم للموسم الجديد ..

[فيرون 2000]

مساء الخير ..
كيفكم ياشباب ..
حبيت اكتب موضوعي هذا ووجهة نظري بالفريق هالسنة وتوقّعي للموسم الجديد ..
واتمنّى اشوف وجهات نظركم وتوقعاتكم للفريق ..



ابدأ من المدرب !!
ريّا .. الف علامة استفهام !!
بديت اقتنع ان لاتسيو اكبر من هالشايب !!
سالفة زاراتي غريبة وتنّم عن جهل المدرب ..
لاحد يقولي لاتسيو اكبر من الجميع ..
زاراتي اخر الموسم الي فات لعب وقدّم مستوى وساعد الفريق ..
اي لاعب ينزل مستواه لكن يجي مدرب يعيد له الهيبة ويوفّر له الاجواء للابداع ..
هالشي ماشفناه من ريا ابدا ..
لاعب عمره 23 .. مهاري .. مهاجم يلعب طرف ويلعب داخل الصندوق ..
مشاغب ودايم تشوفه يسحب كم لاعب من الخصم على الاطراف ..
سبرنق ممتاز وجيّد بالمرتدات ورجله تعرف طريق المرمى وحتى بالفاولات جيد ..
وين العيوب الي تخلّي ريا يزعل منه ويحرمه من اللعب !!
لو مدرب كبير وفاهم كان ماسوّا كذا وحاول يرجّع اللاعب للافضل ..
محد يشكك في زاراتي .. لاعب يقدر بيومين يرجع زي اول وافضل .. لان مواصفاته تؤهله للرجوع بقوة ..
صغير عمره 23 .. لازم تطلع منه حركات صبيانية ونقدر نقول صغير بالعمر ولازم احد يحتويه ..
ماهو زي بالوتيلي ابدن .. بالعكس زراتي افضل بكثير باخلاقه ومحبوب الجماهير ..
كل سالفة الزعل عليه عشانه طالب مايقعد بالاحتياط ..
هل معنى كذا اطفّشه واحاول ارميه برا الفريق !!
ريّا مهما كان .. غلط الي يسوّيه .. لان زاراتي يقدر يرجع لاحسن لاعبين الكالتشيو في يومين !!
يحتاج واحد يجهزه نفسيّا بس .. وريّا واضح انه عنيد ويسوّي نفسه انه صح ولازم يكون صارم مع اللاعبين ..
كلوزة وسيسية وروكي .. بعد سنتين او 3 !!! كلهم معتزلين .. يعني مانفكّر في مين البديل ؟
وغير كذا عارض فلوكاري للبيع !! ليش ياعم ريّا .. فلوكاري مهاجم جيد وعارفين خطورته ..
وكوزاك طول عالفاضي وواضح انه مايصلح للفريق .. طويل وبطيء وغير مهاري ورجله ضعيفة !!
مافي اي مؤهلات تخلّيه يرمي فلوكاري برا الفريق !! وغير كذا ماودّك تعيره وتراهن عليه !!




نجي لمسألة توظيف اللاعبين ..




الحراسة ..
مهما غلط بيتزاري في مباراة الاياب الاوروبي ومهما كان ماركيتي خارج جو المباريات ..
لكن بأذن الله لاخوف على الحراسة ..

قلوب الدفاع ..
بيافا دياز ديكاتيه ستانكو فيسيوس ستيندرادو ..ورادو الي مفروض يكون من ضمنهم ..
دفاع جيد ان شاء الله وماينخاف عليه ..

الظهير الايسر ..
جهة يسرا صفر عالشمال السنة الماضية وهالشي واضح وكلنا عارفين ..
تجي هالسنة وتجيب من افضل الاظهرة حاليا لوليتش ..
وبالاخير تلعبه وسط !! لابعد وسط يمين !!!!!
ياخي انت مقتنع برادو الي قتلته بمركز الظهير ؟؟
رادو جيد دفاعيا .. اسوا من السيء هجوميا .. ومالومه لانه قلب دفاع فقط !!
بيافا ودياز سنة سنتين كلهم برا الفريق..لازم تعتمد برادو من الحين قلب دفاع ..
المفروض رادو اساسي بالدفاع مع واحد من بيافا او دياز !!
لازم عندنا ظهير مساند هجوميا ومهاري ويشوت ويرفع وهالشي متوفر بلوليتش ..ليع نلعبه وسط ويمين كمان !!

الظهير الايمن ..
مانقدر نقول شي .. كوكنو مصاب ..وسكالوني قاعد يلعب بداله ..وربما نجرب ستانكوفسيوس وزاوري..وياخوفي من نقطة ضعفنا تكون هنا ..

المحاور ..
ليديسما وماتوزاليم وكانا وبروكي احتياط جيد.. من افضل نجوم الفريق ومحاورنا قوية ..

الوسط عالاطراف ..
هيرنانيز وماوري والتاتا وسكولي ..ويمكن نضيف زاراتي عالاطراف .
.بدل لوليتش الي نستغله بالظهير الايسر .. ونقدر نقول عن وسطنا جيد ..

الهجوم ..
سيسية كلوزة روكي فلوكاري .. كوزاك من خلفهم وامكانية لعب زراتي ..
ونقدر نقول هجومنا قوي ..






وجهة نظري ان نمتلك فريق من افضل فرق الكالتشيو ..
ياعالم والله لاالميلان ولا الانتر اقوى من لاتسيو ..
تشكيلتنا قويّة ..بس روح اللاعبين ضد الافرقة القوية انهزاميّة ..
السنة الماضية فريقنا جيد جدا لكن كل مباراه مع الفرق الكبار نحسّ انهم خايفين ومهزوزين وحاطّين في بالهم التعادل يعتبر فوز ..
السبب اشوفه في ريّا لانه يفهّمهم ان نقطة تعادل تعتبر فوز !!
لازم تكون عندنا جرأة .. وهالشي للاسف مو موجود في ريا ابدا ..لان الشايب مايتغيّر تفكيره ..
صدقوني اي مدرب بالعالم لو يمتكلك فريقنا هالفترة بيكبر طموحه .. لان 80% من فريقنا عناصره اكثر من جيّده ..






التشكيلة الي اراهن عليها تسوّي شي مع انّي متاكد ان ريا ماراح يسوّيها ..
ماركيتي او بيتزاري لايهم ..
دياز ورادو قلوب دفاع (بيافا ديكاتيه)-لوليتش ظهير ايسر(زاوري-غاريدو)-كونكو ظهير ايمن(سكالوني او كافندا)
ليديسما كانا محاور (بروكي ماتوزاليم)-وسط ايسر ماوري(سكولي)-وسط ايمن هيرنانيز (زاراتي او التاتا)
سيسية وكلوزة هجوم (فلوكاري-روكي)
ونقدر نلعب 3-5-2 او 4-3-1-2 بنفس العناصر الاساسية





وياليت نشوف ارائكم وخططكم ياشباب..
وتوقعاتكم وتفاؤلكم وتشائمكم ايضا ..
واعذروني عالاطاله ..

[8 zauri]

مشكور أخي على الموضوع الرائع و اعذرنا على الرد المتأخر ..
بخصوص ريا فأتوقع فعلا هو المدرب المناسب للاتسيو على الأقل بالفترة الحالية
مدرب شخصيته قوية على الرئيس و اللاعبين .. الإستقرار موجود بين اللاعبين و فوق هذا نتائجه حلوة الموسم الماضي
لكن يحتاج جرأة هجومية أكبر .
مشكلته مع زاراتي و تكلمنا عنها كثير و مع الأيام بنعرف أكثر .. وأنا مع وجود زاراتي لسبب سأذكره عندما أتكلم الهجوم

الحراسة : بعد مشكلة موسليرا لوتيتو جلب واحد من أفضل الأسماء المتوفرة و بيتزاري يملك الخبرة الكافية و احتياطي مناسب

الدفاع : أتوقع بنعاني بالأظهرة بشكل كبيييير لأن تعويض ليشتاينر الى الان ماهو بالمستوى المطلوب إلا إذا أبو عابد له رأي آخر و لايوجد إحتياط لرادو و هذا الشي فعلا عانى الفريق منه نهاية الموسم الماضي
و بالنسبة لقلوب تقريبا مطمن لوجود التفاهم الكبير بين دياز و بيافا لكن المشكلة ممكن في تقدمهم بالسن و خصوصا بيافا و نتمنى ستانكوفيتش يكون رائع .

الوسط : 10/10
لكن لازم ريا يداور بينهم بالشكل المطلوب حتى الجميع يكون جاهز بأي وقت

الهجوم : أسماء كبيرة و تعاقدات رائعة لكن إلى الان نسبة نجاحهم ماهي مضمونة
روكي و فلوكاري بأي وقت ينزل مستواهم .. كوزاك صغير جدا و يحتاج خبرة لكن أنا أكيد مع تواجده
إذن لابد من تواجد زاراتي .. صحيح اللاعب مزاجي و متقلب لكن صغير و نشيط و لازال المدافعين يعملون حساب
زاراتي موجود و مضمون و جاهز ... وتقريبا هو الاجهز .. عمره صغير و قادر على العطاء و نسبة فشله ضئيلة جدا
بل معدومة إذا لعب كماجم صريح ..

مشكور على الطرح الرائع ,, و إن شاءالله موسم للاتسيو

[فيرون 2000]

حياك اخوي زاوري ومشكور عالمشاركة بالموضوع ..
الحين راح زراتي وراح فلوكاري ..
الله يعين ..

[only lazio]

يعطيك الف عاافية اخوي ..

كلامك جميل ومرتب وتقريبــا قاعد تقول اللي في قلبي !!

بس اختلف معـاك في النقطة الأخيــرة وهي اللعب ضد ثلاثي الشمــال وان السبب في الروح الإنهزامة هو ريجــا ؟؟!

انا عن نفسي اشوف ابدا مو ريجــا هو السبب بـل اللاعبين نفسهم !

انت شوف ريجــا مع نــابولي كيف مرمط ثلاثي الشمــال ..وكيف مارس عليهم طقوس الإذلال !

من انتر مرورا بــ الميلان ووصولا إلى اليوفي !!

ياخي تحس اللاعبين نفسهم يوم يدخـلون الملعب حالفين في قلبهم انهم مايفوزوا .. كذا يا خسارة يا تعادل !

اتمنى هـ الفكر يتغير مع وجود البـــطل كـــلوزه ..

والف شكر ع الموضوع المميز

[فيرون 2000]

بدات اول غلطات الموسم ..
زاوري ظهير يسار !!!
الله يستر من ريّا ..
رادو مصاب ! خلاص يارجل .. لعّب لوليتش افضل واسرع وفايدته اكثر هجوميا !!
لو نجرب غاريدو افضل من زاوري المعفّن ..

[الكبيتانو روكي]

^^
فعلاً تواجد زاوري المتواضع بالأمس هو سبب ضياع الفوز وكان الاجدر بالمدرب الزج لوليتش او غاريدو او دياكيتيه لو لزم الامر
وبالنسبة للمدرب فصراحه ريا من أستلم لاتسيو وهو يسير به في الطريق الصحيح لاستعادة امجاده مدرب يعرف من اين تؤكل الكتف