سؤال عن لاتسيو ؟

[عاشق روما R]

السلام عليكم ورحمة الله وبركاته

كان نادي لاتسيو من اغناء اندية ايطاليا في اعوام 1999 الين 2000
هذا الى اتذكره ولكن سمعت انه كان في تلاعب في اسهم النادي من اندية الشمال وانا اقصد
نادي ميلان يقال انه تلاعب باسهم لاتسيو في هذيك الفتره وبلاخص اختلس اموال لاتسيو
ومن بعدها النادي اصبح متدهور اقتصاديااا زي محنا شايفين الان

والسؤال هنا هل فعلااا نادي ميلان تلاعب باسهم لاتسيو ام هوى ضرب من الخيال ؟

تقبلو تحياتي

[Stankovic]

هلا أخوي .

بالنسبه للكلام إلي قلته فهو غير صحيح .

لاتسيو تدهور بسبب أن الرئيس السابق كرانيوتي وضع أسهم نادي لاتسيو جميعها مع أحد شركاته وهي للمواد الغذائيه وهذي الشركة خسرت في البورصة فخسر لاتسيو معاها بالإضافه إلي الضرائب وبعض صفقات اللاعبين المرتفعه وكان هناك بعض الإنتقالات التى يقوم بها كرانيوتي على أكثر من دفعه وعلى سبيل المثال مانديتا لاعب وسط فريق فالنسيا .. تعاقد معاه لاتسيو بحوالي 35 أو 40 مليون و لاتسيو ما سدد قيمة الصفقة إلا بعد ثلاث سنوات من التعاقد معه بحيث تم إعطاء فريق فالنسيا الإسباني كلاً من فيوري وكورادي بالإضافه للأموال التى دفعها كرانيوتي.

أتمنى أني أكون أفدتك .

[only lazio]

^_____^

[The Game]

هلا اخوي عاشق روما

الرئيس السابق كرانيوتي كان واضع شركتـه تشيرو ضمان لـ نادي لاتسيـو
وكلما ارتفع سهم تشيرو ارتفع سهم لاتسيو .. وكلما ارتفع سهم لاتسيو ارتفع سهم تشيرو
والربح يجي من الطرفيـن طبعاً .. والخسارة كذلك في حال هبوط بالاسهم يهبط السهم الثاني وعلى هاذي الطريقـة


كلام اخوي منيـف .. لكن اكيـد في سؤال يجي على البال .. ليه الريال وليه مانشستر و ليه برشلونه عليه مديونيات كثيرة وما صار فيها اللي صار في لاتسيـو

الاسباب كثيرة لكن اعتقد ابرزها التالي

ان الاتحاد الايطالي لكرة القدم مو مثل بقية الاتحادات كـ الانجليزي و الاسباني
اللي يساعد الاندية على تمويل انفسها من حقوق نقل ومن بيع تذاكر وما شابه ذلك

يعني على سبيل المثال لو نادي لاتسيو او نادي روما حصلت من مباراة ديربي العاصمة على مبلغ يصل الى 30 مليون
من بيع حقوق المباراة لأندية مثل صربيا و تشيلي وسويسرا و السويد و ربح من تذاكر المباراة و ربح من الصحافة في ارض الملعـب نصف هذا المبلغ يروح لـ بلدية رومـا و ربع هالمبلغ تقريباً يروح للضرايب وللاتحاد الايطالي و وزارة الماليـه

وغيره وغيره من امور و قوانين الاتحاد الايطالي الغبيـه !

الشغلة الثانية وهي الاشاعات اللي طلعت مثل ما ذكرتها عن افلاس نادي لاتسيو بسبب تدخل الميلان

الاشاعة اللي طلعت هي تدخل اكثر من نادي وليس نادي الميـلان


البورصـة لعبـت ناس كبــار كبــار !
يعني تخيـل انت تدخل البورصـة بـ مبلغ خمس مليـون .. مبلغ كبير بالطبـع
وتربـح مثلاً 15 مليـون بشكل شهري !! .. انت تتوقع انك تاجر كبير و لك اسمـك بالسوق

ولكنك ما تدري ان في ناس تلعـب بالاسهـم بـ المليارات مو بالملاييـن
ولذلك يشوفونك انت تاجر صغير .. وقام وياك الحـظ بـس

فـ تصير لعبـة الهوامير والتجـار الكبـار انهـم يسحبون كافـة اسهم من البورصـة
وبذلك الاسهم كلهـا تطيـح بالحظيـظ واللي داش بـ مبالغ كبيرة على طول بـ يفلس !

والبورصة هاذي طريقتها .. ومثل هالحالة تنطبق عندنا بالكويت وبالسعوديـة
في ناس ضاعـت والسبب ان الهوامير الكبار سحبت اسهمها وصار السوق ضعيف وخسروا كل شي

فالاشاعات اللي طلعت عن افلاس نادي لاتسيـو والى الآن ما ينعرف صدقها من كذبها
ان اكثر من نادي تآمر على اسقاط نادي لاتسيـو بـ سحب اسهمهم من السوق لـ يصبح السوق ضعيـف

وبذلك البنوك ما عطت كرانيوتي اي ضمانات و قروض جديدة لين بدأ نادي لاتسيو يفلس شيئاً فـ شيء


هذا اللي اعرفه واللي عندي ولله اعلـم

[بو سلمان]

صحيح كلام عواد خصوصا ً عن الاتحاد الايطالي ..

بصراحه اتحاد غريب عجيب .. و النتيجه انهيار الكالشيو شيء فـ شيء ..

لتيتو في عام 2006 طالب بتعديل نظام النقل التليفزيوني و ايضا ً تخفيف الضرائب لكن دون جدوى ..

لاتسيو حتى و هو في عز قوته كانت هناك انديه تستلم اموال اكثر منه نظير النقل التليفزيوني .. اي حق هذا ؟؟

اما بخصوص تلاعب الميلان او غيره من الانديه في البورصه ..

اخوي صدقني احنا نتابع الكالشيو من سنوات طويله .. في السابق كان هناك ناديين لهم حركات نص كم و نادي ثالث كان يكتفي بشراء و سحب النجوم و اغرائهم باالراوتب .. مع الوقت ما مشى معاه الحال و صار يسوي نفس ربعه الاثنين

هذولا الانديه الثلاثه .. الاتحاد الايطالي معاهم خلف الكواليس .. الصحافه تسير الامور لهم خلف الكواليس واذا كانت تنتقد بس show لا لكثر .. الحكام ؟؟ طبعاً ..

[الملتاع]

أبشر طال عمرك انا بعد شوي اكلم لوتيتو ويعلمني وش السالفه و ابي ارسل ايميل لبريليسكوني واساله انت لعبت بالاسهم يمكن يعطينا شي مفيد و اعلمك و إذا عند اي سؤال عند الي يصير بلاتسيو ابشر لا تستحي اسبوعيا مع ادارة النادي .

[عاشق روما R]

The Game
رئيس لجنة نسور لاتسيو

Stankovic

بو سلمان

معلومات مقنعه جداااااا والله يبارك فيكم ويعطيكم الف عافيه على هذي العلومات
وحقيقتااا اندية الشمال انا عن نفسي لا اعتبرها انديه كبيره ليش لان التلاعب في دمهم
كيف بلله عليكم احقق بطوله وانا عارف انها من مساعدات وغير ذالك وهم سعداء في نفس الوقت بس ان شاء الله ارى يوم فيهم وينزل هذا الاقتصاد الى درجة الافلاس هو حلم اتمناه يتحقق وفورزا اندية الجنوب الايطالي

الملتاع حقااا لاتعليق لكلامك