حلم حلمته فجر اليوم الأربعاء قبل لقاء ليفورنو

[الكبيتانو روكي]

مساكم الله بالخير ياشباب
ما أبي أطول عليكم أبي أقص لكم الحلم اللي أحس أنه رائع وطريف
اليوم الصباح وقبل أداوم حلمت حلم أن لاتسيو يلعب مباراة اليوم مع ليفورنو عندنا بملعب الحارة وأنا لاعب وسط أيسر في لاتسيو (( على فكرة أنا لعيب تروو)) ههههه , المهم كنت غائب عن المباراة وجيت في نهايتها ولقيت لاتسيو متقدم 2/1 وبعد ما أنتهت قربت من كولاروف وقلت له من اللي لعب بدالي قدامك؟؟ ههههههه قال مو مهم من اللي لعب المهم ان حنا فزنا قلت له صادق ومسكت كتفه وحطيت أيدي على صدره باليد الثانيه وكأنه معصب شوي ما أدري ليش المهم قلت له مبروك ورحت من عنده وصحيت من الحلم
فالحمدلله يوم صحيت توقعت بإذن الله لاتسيو يفوز وحتى توقعت كولاروف يسجل بعد ماصحيت من الحلم والحمدلله انه سجل وأبدع

وآسف على الإطاله / أخوكم مانع

[بو سلمان]

حياك الله اخوي مانع ..

و كثر من احلامك وانا اخوك خل لاتسيو يفوز

بنخلي عواد يكلم لك لتيتو يوقع معاك جناح يسار بدال الليسو

[The Game]

حياك الله اخوي مانع
الظاهر ان حلمك تحقق واقع

فزنا و كولاروف معصب

[امــيــر الــذوقــ]

هلا مانع بس ما قلت لنا ليش غبت عن المباراة عسى منت عاهة واستبعدك بالارديني خخخ

ومرة ثانية امانة اذا حلمت تقول لـ كولاروف انت بتجدد ولا ايش آخرتها معاك !!

[ابو نايف]

حياك اخووووى مانع

انشاء الله انك ماتحلم لاتسيو خسران

[Lazio Lover]

ماشاء الله عليك اخوي مانع .. لازم كل يوم تحلم مادام احلامك حلوه كذا

[Foggia_17]

يا بخت اللي يحلم في لاتسيو

[Ben Nasser]

^
^
ايه والله

يالله عقبالنا

[الكبيتانو روكي]

مشكور ياشباب على ردودكم الحلوة
وبصراحه حب لاتسيو خلاني كثير التفكير وسوس فيني وخلاني أحلم فيه
هيييييييه على أيام لوبيز وستانكوفيتش وكرادي وفيوري وميهايلوفيتش وبيروتزي سحروني بلعبهم و خلوني أحب نادي لاتسيو وأتعلق فيه

[لازيو و بس]

لما كلمت كولاروف كلمته إيطالي و لا صربي و لا عربي